Sən getdin, elə bil dünya boşaldı,
Yaz da, köçüb getdi yeri boş qaldı.
Bahar ürəyimi sənsiz qış aldı,
Mən yaza vurğunam,qışı neylərəm?
Eşqimi aparıb sən getdin demək,
Eşqsiz bir könül nəyimə gərək.
Sinəmdə daş oldu o gündən ürək,
Sinəmdən asılan daşı neylərəm?
Həmişə ayrıyıq, gecə-gündüzük,
Birimiz təpəyik, birimiz düzük.
Üstünün qaşıyla tanınır üzük,
Əgər üzük yoxsa, qaşı neylərəm?
Həmişə sənsizəm, mən niyə sənsiz,
Nə yerə baxmaram, nə göyə sənsiz.
Mənki kor olmuşam hər şeyə sənsiz,
Kor gözün üstündə qaşı neylərəm?
Söz: Bəxtiyar Vahabzadə
Musiqi / Düzənləmə: Rasim Müzəffərli
Səs keyfiyyəti artırılmışdır.
![](https://i.ytimg.com/vi/QfI6CjX0uIs/maxresdefault.jpg)