Эри томонидан калтакланиб, памперс едирилган самарқандлик 25 яшар Мустаҳкам иши ҳамон ўзбекистонликларнинг диққат марказида.
12 ноябрь куни жиноят ишлари бўйича Самарқанд шаҳар судида ёш турмуш ўртоғини аёвсиз калтаклаб, таҳқирлаб келишда айбланган 35 яшар эркак устидан очиқ суд жараёни бошланган.
Эркак ўзини ўзи ўлдириш даражасига етказиш, қасддан баданга ўртача оғир шикаст етказиш ва қийнаш каби жиноятларни содир этишда айбланмоқда.
Август ойида турмуш ўртоғи томонидан аёвсиз калтакланаётгани тасвирланган видеонинг тарқаб кетиши ортидан самарқандлик Мустаҳкам жамоатчилик эътиборига тушган эди.
Матбуот, жумладан, Би-би-си унинг масаласига эътибор қаратган, Мустаҳкам тимсолида ўзбекистонлик аёллар дуч келаётган оиладаги зўравонлик мавзуси кенг муҳокамаларга сабаб бўлган эди.
Жамоатчилик фаоллари Мустаҳкам мисолида аёлларга нисбатан жисмоний ва руҳий зўравонлик ўтказиш қанчалик кенг авж олгани, кўп ҳолларда зўравонлар жазосиз қолаётгани ва бундай ҳолатларга чек қўйиш вақти келганини таъкидлаган эдилар.
Бир вақтнинг ўзида Ўзбекистонни ларзага солган бошқа бир жиноят иши юзасидан ҳам суд ўз ишини бошлаган.
Гап Андижонда ички ишлар ходимлари томонидан калтакланиши ортидан вафот этган йигит ҳақида кетмоқда.
Шу йилнинг июнь ойида ижтимоий тармоқда касалхонада бехуш ётган йигит видеоси тарқалган эди. Видеода жабрланувчининг синглиси эканини айтган аёл йигитнинг ички ишлар бўлимига соппа-соғ чиқиб кетгани ва у ердан калтакланган ҳолда касалхонага тушиб, ўлим тўшагида ётгани ҳақида гапиради.
Кейинроқ Бош прокуратура видеодаги йигит Андижон шаҳрида яшовчи Абдукаримов экани ва у 29 майдан 30 майга ўтар кечаси шаҳар ички ишлар органлари фаолиятини мувофиқлаштириш бошқармаси ходимлари томонидан калтаклангани ва олган жароҳатлари оқибатида 11 июнь куни вафот этганини маълум қилган эди.
Олий суд Абдукаримовни калтаклаш ва қийноққа солишда айбланган 6 нафар ички ишлар ходими устидан 11 ноябрь куни очиқ суд мажлиси бошланганини хабар қилган.
BBC News O'zbek янгиликлар каналига хуш келибсиз!
#bbcuzbek Ўзбекистон, Марказий Осиё ва дунё бўйлаб юзлаб мухбирларимиздан келадиган видео янгиликлар ҳар куни мана шу каналда. Нафақат янгиликлар, балки қизиқарли воқеалар, санъат, мусиқа, маданият ва тарих ҳақида бетакрор видео фильмлар учун ҳам каналимизга аъзо бўлинг - [ Ссылка ]
Вебсаҳифамиз - bbcuzbek.com
Facebook: [ Ссылка ]
OK.RU: [ Ссылка ]
Instagram: [ Ссылка ]
Telegram: [ Ссылка ]
BBC News O'zbek - BBC News O'zbek tilida, onlayn, TV va ijtimoiy tarmoqlarda
Узбекистан - Uzbekistan - O'zbekiston - Узбекистон
