Ресей Думасының депутаттары КСРО-ның соңғы президенті Михаил Горбачевті "АҚШ-тың шпионы" деп айыптап, оны Совет одағын таратқаны үшін сотқа бермекші. Айтуларынша, Кеңес үкіметінің соңғы басшысы референдум құжаттарын қолдан өзгертіп, ТМД республикаларының тәуелсіздігін мойындау туралы заңсыз қаулы шығарған. Бұған қоса, Хакасия Жоғарғы Кеңесінің төрағасы Владимир Штыгашев Шығыс Қазақстанды Ресейге қосып алуға үндеді. Әріптесіміз Мақсат Толықбай ресейлік саясаткерлердің көктемге қарсы неге бұлайша көтеріліп отырғанын анықтап көрді.
МИХАИЛ ГОРБАЧЕВ:
С образованием содружество независимость государство я прекращаю свою деятельность на посту президента СССР.
Совет одағын қайта тірілткісі келетін Ресейдің депутаттары Горбачевті осы айтқан сөзі үшін "АҚШ-тың шпионы" деп есептеп, соттамақшы. Бұған қоса, олар Совет одағынан бөлінгендерді де сепаратист атап, Бас прокуратураға олардың да үстінен қылмыстық іс қозғауын сұрады.
Ресей азаматтары Украина білмейді. КСРО не үшін құлағанын. Оны білу үшін қылмыстық іс қозғау керек.
Ал, саясаттанушы Әзімбай Ғалидің айтуынша, бұл Ресейдің Кеңестер одағын қалпына келтіру саясатына ашық түрде көшкенін көрсетеді. Бұған Украинаның Қырымы негіз бола алады. Сондықтан, Путиннің Еуразиялық одақ құру құлшынысынан қазір аяқ тартпасақ, бұл үрдіс тіптен шиеленіседі дейді ол.
Бұл Қазақстанның егемендігіне сұрақ белгі қою, яғни нұқсан келтіру. Біздің одақтасымыз осындай болса, еуразиялық ел болып бірігудің не қажеті бар?
Горбачев мәселесі аздай, Жириновский, Лимоновтардың ізінше, бүгін Хакасия Жоғарғы Кеңесінің төрағасы Владимир Штыгашев Шығыс Қазақстанды Ресейге қосып алу жөнінде бастама көтерді. Тіпті, қазақстандықтардың 80 пайызы осы пікірде деп, Айды аспаннан бірақ шығарды.
Ал, елге төнген қауіп-қатердің алдын алу үшін шұғыл іс-әрекеттерге көшуіміз керек деген қазақстандық депутаттар, мемлекеттің біртұтастығын сақтап қалудың бір-ақ жолы бар дейді. Ол қазақтардың үлес салмағы аз облыстарға Шымкент, Қызылорда сияқты облыстар тұрғындарын жаппай көшіру дейді.
МҰРАТ БАҚТИЯРҰЛЫ, ҚР Парламенті Сенатының депутаты:
Көшем деген адамдарға жерлеріне үйлеріне мүмкіндік жасау мәселесі. Бұл да ұлттық қауіпсіздігімізді қорғаудың бір жолы.
Ал, Әзімбай Ғали керісінше, ұлтшылдардың басын біріктіру керек деді.
Қоғамдық қозғалыстар ұлтшылдар ымыраласу керек. Өйткені, ел басына күн туды дегендей.
