1-шілдеден бастап ел бойынша кәмелет жасына толған 1-топтағы мүгедек балалардың күтімі үшін жәрдемақының жаңа түрі енгізілді. Қазір облыс бойынша мұндай санаттағы азаматтардың саны 500-ден асады. Оның 26-сы толық мемлекеттің қарамағында. Оларға жәрдемақыдан бөлек әлеуметтік қызметкерлер күтім жасайды. Мүгедектерге барлық жағдайды жасау үшін оларға жәрдемақы, еңбекке қабілеті болмаған әлеуметтік төлемдер берілсе, мүгедек бала тәрбиклеп отырғандарға жәрдемақы төленеді. Бүгінде алғашқы төлемге ілінбей қалғандар бар. Олар қазір өз құжаттарын рәсімдеп жатыр. Тамыз, қыркүйек айларынан бастап олар да жәрдемақының жаңа түрін алуы тиіс. Кәмелет жасына толған 1-топтағы мүгедек балалардың күтімі үшін жәрдемақының жаңа түрін енгізу міндетін елбасы жолдауында көрсеткен. Жәрдемақының көлемі ең төменгі күнкөріс деңгейінен аспайды. Яғни, өңірімізде 500-ге жуық адам 26 699 теңге көлемінде жәрдемақы алуы тиіс.
Сайт телеканала [ Ссылка ]
Twitter [ Ссылка ]
Вконтакте [ Ссылка ]
![](https://s2.save4k.ru/pic/QlONKGrw5IA/mqdefault.jpg)