1) Бисмилләәһир-рахмаанир-рахиим
2)"Әлхамду лилләһи раббил-аләмиин,
3) Әр-рахмаанир-рахиим,
4) Мәәлики иәумид-диин,
5) Ийәкә на буду уа ийәәкә нәстаиин,
6) Индинас-сираатал-мустакиим,
7) Сираатал-ләзина ән амта 'аләйһим,
ғайрил-ма дууби 'аләйһим уәладдааал-лийн"


(1) Аса қамқор, ерекше мейірімді Алланың
атымен бастаймын.
(2) Барлық мақтау бүкіл әлемнің Раббы Аллаға
тән.
(3) Aca қамқор, ерекше мейірімді.
(4) Қиямет күнінің иесі.
(5) Саған ғана құлшылық қыламыз, әрі Сенен ғана жәрдем тілейміз!
(6) Бізді тура жолға сала көр!
(7) Нығметке бөленгендерiннiң жолына! Ашуға ұшырағандардың және адасқандардың жолына емес!

1) Во имя Аллаха Милостивого, Милосердного. 2) Слава Аллаху, Господу миров.
3) Милостивому, Милосердному.
4) Властителю Судного дня.
5) Тебе одному мы поклоняемся. И к Тебе одному взываем о помощи.
6) Наставь нас на путь праведный.
7) Путь тех, кого Ты одарил Своими благами. Tex, кто не навлек на себя Твоей немилости и тех, кто не впал в заблуждение (амин).

«Фатиха» – бес уақыт намазда үнемі оқылатын, әрі ең жиі қайталанатын сүре. Ол намаздың әрбір рәкағатында айтылады. Сондықтан бұл сүрені «Жеті қайталанушы аят» (әс-Сабъул мәсәни) деп те атайды. «Фатихасыз» намаз жоқ. Алла елшісі (оған Алланың игілігі мен сәлемі болсын): «Кітаптың Фатихасын оқымаған адамның намазы (толық) емес», тағы бір риуаятта: «намазы намаз емес» , — деген. (Бұхари)

Фатиха - кітаптың беташары, кітапты ашушы (“Фатихатул китәб”). Біз Құранды ашқанда ең алдымен осы сүрені көреміз. Бұған қоса Құран сүрелері арасынан ең бірінші толық түскен де – осы сүре.

Фатиха - «Уммуль Қуран» (Құранның анасы) . Ум (ана) деген сөз негіз, бастау деген мағыналарды қамтиды. Құранда барлығы 114 сүре болса, ғалымдар қалған 113 сүрені сол «Фатиха» сүресінің тәпсірі, түсіндірмесі іспетті деп бағалаған. Тәбиғиндердің бірі Хасан Басри: «Алла Тағаладан келген 104 кітап бар. Сол 104 кітаптағы мағынаның барлығын Алла Тағала ықшамдап 4 кітапқа сыйғызған. (Тәурат, Зәбур, Інжіл, Құран). Ал сол 4 кітаптың мағынасын тек бір кітаптың ішіне сыйғызған. Ол – Құран. Ал Құрандағы сөздердің мағынасының бәрін «Фатиха» сүресінің ішіне кіргізіп қойған. Ал «Фатиха» сүресінің бүкіл мәні – ондағы жалғыз аятта тұр. Ол - Я, Алла, Саған ғана құлшылық жасаймыз әрі Сенен ғана жәрдем тілейміз деген аят. Біздің барлық міндетіміз осы аятта тұр», - дейді.

Фатиха – Аллаға мақтау, мадақ айтумен басталатын бес сүренің бірі. Ол Құрандағы «Әлхамдулилләһ» деп басталатын бес сүренің (Фатиха, Әнъам, Сәбә, Фатыр, Кәһф) қатарына кіреді. Байқасаңыз, «Әлхамд», яғни «мақтау» деген сөзден кейін бірден Алла деген сөз келген. Бұл – мақтау тек қана Аллаға тән дегенді білдіреді. Демек, бүкіл құлшылық, бүкіл мақтау Аллаға ғана арналады. Себебі, Ол – барлық тіршіліктің Жаратушысы, әлемнің Егесі.

Фатиха - шипа, ем болушы сүре. Ол – өлімнен басқа барлық ауруларға ем. Бұхариден жеткен хадисте сахабалар жорықта жүргенде бір ауылға барып өздерін қонақ етуді өтінеді. Алайда, ауыл адамдары сараңдық танытып, оларды қабылдай қоймайды. Сол күні ауыл көсемін шаян шағып алған еді. Ауру меңдеп, жанын қоярға жер таппаған соң олар өздері қонақ етуден бас тартқан әлгі сахабаларға келіп, жәрдем сұрайды. Осы кезде Әбу Сағид әл-Худри (р.а) орнынан тұрып, әлгі науқасқа «Фатиха» сүресі арқылы дем салып, ауыл көсемі сол арқылы жазылып кеткені хабарланған. Демек, «Фатиха» –шипа болушы сүре.

| ҚАЗАҚША ДҰҒАЛАР

свернуть