കവിത : സൂര്യകാന്തി നോവ്
രചന : മുരുകൻ കാട്ടാക്കട
ആലാപനം : ഹൗവ ഫാത്തിമ
പാതിവിരിഞ്ഞൊരു പൂമോട്ട് ഞാനെന്റെ മോഹങ്ങൾ വാടി കരിഞ്ഞുപ്പോയി
ഏതോ കരങ്ങളിൽ ഞെങ്ങി ഞെരിഞ്ഞെന്റെ ഓരോ ദലവും പൊഴിഞ്ഞു പോയി
സൂര്യകാന്തി പൂവ് ഞാനെന്നെന്നും എന്റെയീ സൂര്യനെല്ലി കാട്ടിൽ ഏകയായി
പേടിപ്പെടുത്തുന്ന മൂളലായ് ഇന്നുമാ പേവിഷ തുമ്പികൾ പാറിടുന്നു
പാതിവിരിഞ്ഞൊരു പൂമോട്ട് ഞാനെന്റെ മോഹങ്ങൾ വാടി കരിഞ്ഞുപ്പോയി
ഏതോ കരങ്ങളിൽ ഞെങ്ങി ഞെരിഞ്ഞെന്റെ ഓരോ ദലവും പൊഴിഞ്ഞു പോയി
കരിന്തേളുകൾ മുത്തി മുത്തിക്കുടിക്കുവാൻ വെറുതെ ജനിച്ചതോ പെൺ മൊട്ടുകൾ കനിവുള്ള കർക്കിടക കരിമഴക്കൊപ്പമായി കരയാൻ ജനിച്ചതോ പെൺമൊട്ടുകൾ
പെണ്ണ് പിഴച്ചതാണില്ല അവൾക്കില്ല മാനാഭിമാനങ്ങൾ മാനനഷ്ടം
പന്നിയെ പോലെ മുരളുന്നു ചെന്നായ പത്രങ്ങൾ പാത്രങ്ങളാക്കി വിളമ്പുന്നു ശർദിൽ മണക്കും പ്രഭാതസദ്യ
ഇരകൾക്ക് പിറകെ കുതിക്കുന്ന പട്ടികൾ പതിവായ് കുരച്ചു പേയാടുന്ന സന്ധ്യകൾ
കഴുകൻ മുഖങ്ങൾ വെളിച്ചതിലും പിന്നെ ഇരതൻ മുഖങ്ങൾ ഇരുട്ടിലും മാധ്യമ തിരമത്സരങ്ങളിൽ തളരുന്ന സന്ധ്യകൾ
പതയുന്ന പരിഹാസ ലഹരികൾക്കൊപ്പമാ പതിവുള്ള പലഹാര വർത്തമാനങ്ങൾ
ഇടയിൽ സഹതാപങ്ങൾ ഇടിവെട്ടുകൾ ഇതിൽ മുറിയുന്ന ഹൃദയങ്ങൾ ആരു കണ്ടു
പെണ്ണിന്നു ഹൃദയമില്ല മനസ്സില്ലാ മനസ്സിന്റെ ഉള്ളിൽ കിനാക്കളില്ല ഒന്നുമില്ല
ഉള്ളതോ ഉന്തി നിൽക്കും മാംസ ഭംഗികൾ ഉന്മാദ നിനോന്നദങ്ങൾ തൻ കാന്തികൾ
അമ്മയില്ല പെങ്ങളില്ല പിറക്കുന്ന പെണ്മക്കളില്ല ഈ കെട്ട കാലങ്ങളിൽ
ഉള്ളതോ കൊത്തി കടിച്ചു കീറാനുള്ള പച്ച മാംസ തുണി കെട്ടുകൾ ചന്തകൾ
ഇനിയും പിറക്കാതെ പോകട്ടെ ഒരു പെണ്ണും അണ്ഡമാകാതെ അറം വന്നു പോകട്ടെ അന്ധകാമാന്തരീ കഷ്മലന്മാർ
ഇത് വെറും നിസ്വയാം പെണ്ണിന്റെ ശാപമാണ് ഇത് ഫലിക്കാനായി പാട്ടു കെട്ടുന്നു ഞാൻ
അഗ്നിയാണമ്മയാണശ്വമാണിന്നവൾ അതിരുകൾ അറിയാത്ത സ്നേഹമാണ്
അരുതെന്നവൾ കടാക്ഷം കൊണ്ട് ചൊല്ലിയാൽ എരിയാത്തതായി ഏത് പുരമുണ്ട് ധരണിയിൽ
പെണ്ണിന്നു കാവലായ് മരമുണ്ട് മലയുണ്ട് പുളിനങ്ങൾ പുൽകുന്ന പുഴകളുണ്ട്
നഷ്ടങ്ങൾ ഒന്നുമേ നഷ്ടങ്ങൾ അല്ലെന്ന് സത്യബോധത്തിന്റെ സാക്ഷ്യമുണ്ട്
പെണ്ണിന് കാവലായ് യുഗസംഘശക്തിതൻ സമര സാന്നിധ്യമായ് ഞങ്ങളുണ്ട്
പുഴയുണ്ട് മലയുണ്ട് കാറ്റുണ്ട് കടലുണ്ട് കനിവിന്ന് കാവലായ് കവിതയുണ്ട്
ഒരു സൂര്യകിരണമായി നന്മകൾ വന്നു നിൻ കവിളിൽ തലോടുന്ന കാലമുണ്ട്
ഉണരൂ പ്രിയപ്പെട്ട സൂര്യകാന്തി
ഉണരൂ പ്രിയപ്പെട്ട സൂര്യകാന്തി വന്നു നിറയു പ്രപഞ്ച സാനിധ്യമായ് ശക്തിയായി
#malayalam #kavithakalmalayalam #kavita #kavitha #malayalamkavita #malayalamkavithakal #malayalamkavitha #മലയാളംകവിതകള് #മലയാളംകവിത #മലയാളം #murukankattakkada
![](https://s2.save4k.ru/pic/QrmDcWrcmoY/mqdefault.jpg)