Ресей Федерациясының президенті Владимир Путин бүгін ішінара мобилизация жариялады. Ал депутаттар мен сарапшылар Ресейдегі жағдайдың Қазақстан нарығына тигізер әсері туралы ойларымен бөлісіп жатыр. Айтуларынша енді жалдамалы пәтерлердің құны өсіп, азық-түлік бағасы да біршама қымбаттайды. Толығырақ астаналық әріптесім Айжан Шамшидин айтып береді.
Ресей Федерациясының президенті бүгін елде ішінара мобилизация болатынын мәдімдеді. Владимир Путин ең алдымен Қарулы күштер қатарында қызмет еткен, әскери мамандықты игерген тәжірибесі бар азаматтарды шақырамыз деп отыр. Запастағы әскерін жинауға кіріскен көрші елдегі жағдайдың бізге де салқыны тиуі мүмкін дейді депутаттар. Яғни, елге ағылатын босқындар саны көбейеді деген болжам бар. Мәселен, Украинамен соғыс басталғалы 500 мыңға жуық Ресей азаматы Қазақстан шекарасын асқан екен.
АЙДОС САРЫМ, ҚР Парламенті Мәжілісінің депутаты:
— Егер де Ресейдегі жағдай тым ушығып кететін болса онда елдің ыдырауы деген мәселе туындайды. Миллиондаған босқын деген сөз.
Владимир Путин мобилизация жариялағаны сол еді Мәскеуден Астана мен Алматыға темір жол, әуе билеттері жаппай сатылып кеткен. Қазірдің өзінде Мәскеу-Алматы бағыты бойынша 21 қыркүйекке билет мүлдем қалмаған. Ал 22 қыркүйекке билет төрт миллион теңгеден сатылуда. Ал Қазақстанға ресейліктердің рубльмен келетіні белгілі. Бірақ Ресей валютасынан біздің елге айтарлықтай пайда болмайды дейді сарапшылар. Өйткені қор биржасында бір-ақ күнде акциялары құрдымға кеткен рублі құнсыз қағазға бағалауда. Ал, көрші елде запастағы әскер сапына шақырылған азаматтарға елді тастап шығуға шектеу қойылған.
БАҚЫТБЕК СМАҒҰЛ, ҚР Парламенті Мәжілісінің депутаты:
— Әрине амалдар тауып сыртқа қашып-құтылатындар болар, бірақ Қазақстанға қашса ақымақ болғаны. Себебі екі ел арасында келісім бар. Ресей мысалы сұраса құқық қорғау органдары оларды тұзақтап береді.
Кедендік одақта болғандықтан Қазақстан Ресейліктер үшін шекараны жаппайды. Тек ішкі құрылымдар мен арнайы қызметтер сақтық шараларын күшейту керек дейді халық қалаулылары.
.
.
.
.
Бізді әлеуметтік желіде оқыңыздар:
Youtube -[ Ссылка ]
Facebook - [ Ссылка ]
Instagram - [ Ссылка ]
Vkontakte - [ Ссылка ]
TikTok - www.tiktok.com/@informburo31
WhatsApp Информбюро +7 777 331 31 31
#Информбюро #Ақиқатын_Айтайық #ИнформбюроЖаңалықтары #БүгінгіЖаңалықтар #БастыЖаңалықтар
Ещё видео!