150-ге жуық маман жаңа туған сәбилерден бастап, 18 жасқа дейінгі жасөспірімдерді тегін қабылдап, тиісті кеңестерін беріп жатыр.
Гүлмайра Қуатбайқызы, тілші
-Бүгін елордадағы Ұлттық балаларды оңалту орталығында ашық есік күндері 17.00-ге дейін жалғасады. АҚШ, Германия, Израиль, Оңтүстік Корея клиникаларында даярлықтан өткен мамандар жаңа туған сәбиден бастап, 18 жасқа дейінгі балаларды қабылдауда. Кезек күтіп отырған балғындар зерікпес үшін мынадай ойын-сауық шаралары да ұйымдастырылып жатыр. Орталықтың жетекші невропатолог, логопед, психолог, педиатор, офтальмолог дәрігерлері жүйке және психологиялық аурулар, қозғалыс, сөйлеу, тірек-қимыл аппараты, көру және есту органдарында ауытқушылықтары бар балаларды тексеріп, емдеу және оңалту бойынша кеңестер беруде.
Жолтай Дәрібаев, Ұлттық балаларды оңалту орталығының медицина жөніндегі директоры, невропатолог
-Таңертең есік ашылғаннан 500-ден аса адам осында келіп отыр екен. Мамандардың кеңестерін алғаннан кейін ата-аналар Қазақстанда қандай орталықтар бар, қайда емделу керек туралы мәліметтерін толығынан алады. Қолдарына кеңес беру қағазын жазып береміз.
Тұрар Уахитқызы, ата-ана
-Немеремді алып келдім. Үлкен немерем 9-да. 5 жыл болды астмамен тізімде тұрғанына. Невропатологты өттім. Қазір лорға қаратайын деп отырмын. Қалай емделу керегін айтты. Баланың бұлшық еттерін қатайту керек. Спорт пен бассейінге жазылыңыздар деді. Бұл халықтың бір қажетін ашып тастайды енді. Бәрінің мүмкіншілігі жоқ қой ақылы өтіп жататын.
Орталықта сал ауруына шалдыққан балалар мынадай роботтың көмегімен жүруді үренеді. Әдетте 10 қабылдаудан кейін, өз бетімен қадам жасайды. Бүгінгі ашық есік күндері аясында бірқатар балалар тап осы роботтың көмегіне жүгінді. Және мыңға тарта науқас білікті мамандардың қабылдауында болды.
Авторлары: Гүлмайра Қуатбайқызы, Еркебұлан Тілеуқазы
