#oranews #pjerinxhuvani #elbasan

Këto janë pamjet filmike që konsiderohen prova kryesore e prokurorisë së Elbasanit.

Ora news ka siguruar pamjet filmike të ngjarjes së 21 Prillit 2021, të ndodhur në lagjen “5 Maji” në Elbasan, ku mbeti i vrarë Pjerin Xhuvani dhe u plagosën 4 persona të tjerë, Eltjon Bodinaku, punonjësja e policisë Xhensila Sota, dhe dy ish policët Emiljano Prenga dhe Pavlo Vuksani, të cilët ishin pjesë e Strukturës së Mbrojtjes së Votës të Partisë Demokratike.

Pamjet sekrete që prokuroria i konsideron provën kryesore të këtij procesi,janë nxjerë nga fashikujt hetimore dhe përhapur në media nga avokatët mbrojtës të të pandehurve.

“Ora news”, ka mundur ti sigurojë pamjet filmike ku tregohet qartazi moment i përleshjes mes dy grupeve dhe vrasja e Pjerin Xhuvanit nga ish-efektivi i RENEA-s, Arbër Paplekaj.

Këto pamje filmike fillimisht janë dorëzuar në prokurorinë e Elbasanit nga babai i Klemend Xhaferaj, i cili i kërkoi prokurorëve që ti lironin djalin pasi ai nuk kishte asnjë lidhje me situatën dhe s’kishte kryer asnjë veprim kriminal ndaj askujt personi.

Nga dita e parë e ndodhjes së ngjarjes e deri më sot, në burg ndodhet vetëm ish-efektivi i repartit RENEA, Arbër Paplekaj, akuza ndaj të cilit është provuar se ka qëlluar për vdekje në dretim të Pjerin Xhuvanit, dhëndrit të tij Eltjon Bodinaku të cilin e ka lënë të plagosur dhe punonjëses së policisë Xhensila Sota e plagosur në këmbë.

Ndërsa Klemend Xhaferaj, i njohur si “Kel Çami” dhe i lançuar nga policia e Elbasanit si pjesëmarës në këtë ngjarje, është liruar nga akuzat fillestare dhe ccështja është pushuar.

Kjo pasi nga analizimi i pamjeve filmike ka rrezultuar se “Kel Ccami” nuk ka pasur armë në momentin e përleshjes.

Deri në këtë fazë vijon të mbetet e paqartë, se kush ka qëlluar në drejtim të dy personave të tjerë Emiljano Prenga, dhe ish-policit Pavlo Vuksani.

Pamjet filmike tregojnë se grupi për mbrojtjen e votës lëvizin në Elbasan me furgonë të bardhë.

Nga pamjet filmike të analizuara dhe ekspertizat e kryera ka rezultuar se Paplekaj është personi i veshur me bluzë të zezë me mëngë të shkurtra dhe në brez mban një çantë Marsup, nga e cila nxjerr dhe armën e zjarrit.

Ai qëllon në këndin e drejtimit, duke pasur përballë Pjerin Xhuvanin si dhe punonjësen e policisë, e cila qëndron prapa një furgoni të forcave të rendit.

Si pasojë e të shtënave nga 3 armë të ndryshme, në zonë është krijuar panik. Madje dhe dy zv/drejtorët e policisë që kishin shkuar për të normaliziuar situatën së bashku me një grup të “Shqiponjave” nuk kanë mundur të bëjnë asgjë për parandalimin e ngjarjes.

Dy zv/drejtorat e policisë, shihen në pamjet filmike që fshihen pas dyerve të makinave të tyre “Range-Rover” dhe nuk bëjnë asgjë për të arrestuar personat që po qëllonin.

Ngjarja e rëndë e ndodhur në 21 prill 2020 tronditi qytetin e Elbasanit, pasi rreth orës 14:00, ish-efektivë policie dhe ish-efektivë ushtrie, bllokuan automjetin e shtetasit Mehmet Grejsi, i cili dyshohej nga PD se po shpërndante lekë dhe blinte votat në lagjen “5 Maji”.

Bllokimi i automjetit dhe mbajtja përmes forcës dhe dhunës së Mehmet Grejsit, ka sjellë përdorimin e armëve, deri në ekzekutimin e Pjerin Xhuvanit dhe plagosjen e 4 personave të tjerë, përkatësisht Paulo Vuksani, Emiljano Prenga, Eltjon Bodinaku dhe Xhensila Sota.

Kjo ngjarje ndodhi vetëm 4 ditë para zgjedhjeve parlamentare të 25 prillit, duke shënuar rastin më të rëndë të zgjedhjeve të kaluara.

Asnjë nga efektivët e policisë që ndodhej prezent në vendngjarje nuk ka qëlluar me armë, por janë larguar menjëherë pas krismave.

Të paaftë për të reaguar kanë qenë dhe dy zv. drejtuesit e lartë të policisë Elbasan, Albert Nushi dhe Niko Palla, të cilët janë larguar me vrap.

Pamjet filmike të sekuestruara në vendngjarje, tregojnë se së bashku me efektivët e policisë, është larguar me vrap dhe Klemend Xhaferi ose “Kel Çami”.

Ndërsa në filmim dallohet dhe policja femër e cila vrapon duke çaluar pasi ishte plagosur me një plumb në këmbë.

Për më shumë lexoni në:

Follow Televizionin Ora News

Website: www.oranews.tv

Youtube [ Ссылка ]

Facebook: [ Ссылка ]

Instagram [ Ссылка ]

Twitter [ Ссылка ]

свернуть