#oranews #ndertimetpaleje #infrastruktura #ndertuesit #tirane
Kushdo që ka planifikuar të ndërtojë pa leje, sipas kodit penal dënohet me burg.
E në fakt janë të shumta rastet që kanë shkuar në gjykatë.
Vetëm në vitin 2020, 144 qytetarë janë dërguar për hetim ku nga këto janë 98 të dënuar.
Në vitin 2021, 139 qytetarë janë hetuar, ndërsa 135 janë dënuar, ndërsa deri në shtator të këtij viti janë hetuar 27 raste ku nga këto 23 janë dënuar.
Dhe në këto statistika ajo që mungon janë rastet e ndëshkimit të atyre që vetë kreu i qeverisë Edi Rama i cilësoi si pasanikët.
Edhe të mërkurën kryeministri Edi Rama deklaroi se do të vijojë operacionin kundër ndërtimeve pa leje, por kësaj radhe në shënjestër janë milionerët të cilët sipas tij në shkelje të ligjit kanë ndërtuar kate shtesë në ndërtesat e pajisura me leje.
Por ku janë institucionet që i kanë lejuar këto milionerë të vijojnë punën duke shtuar katet pa leje?
A janë të korruptuar policët dhe inspektorët ashtu siç u shpreh dhe Rama dhe pse ligji nuk po vepron deri më tani?
Madje kryeministri u shpreh se sipas informacioneve që ai kishte, në Tiranë një kompleks pallatesh 7-8 kate është pa leje. Shteti ku ishte deri më tani?
Qytetarët janë të vetëdijshëm që ligji nuk është i barabartë dhe shprehen se bosët milionera janë të mbrojtur nga pushteti
“Kanë lekun, paguajnë ata që i fusin në burg dhe nuk i fusin në burg. Ai që s’ka lekë futet në burg, ai që ka futet në burg.”
“Në këtë vend jetojmë, në kurrizin tonë janë të tëra.”
Derisa ligji të veprojë njësoj për të gjithë ashtu siç tha dhe Rama inspektorët e policisë apo bashkisë do të vijojnë që t’u puthin këmbët pasanikëve, ndërsa qytetarëve do tu tregojnë dhëmbët.
Për më shumë lexoni në: [ Ссылка ]
Follow Televizionin Ora News
Website: www.oranews.tv
Youtube [ Ссылка ]
Facebook: [ Ссылка ]
Instagram [ Ссылка ]
Twitter [ Ссылка ]
![](https://i.ytimg.com/vi/RTq8Sdp_V2c/maxresdefault.jpg)