Special Thanks to:
~ Mr Mung Guite
---------------------------------------------

Hiai Laa toh kisai Tomchik:

Khristian hinkhua a atam zaw in i tuah khak hi dia ka gintak, kenle ka tuah zelte a thu/laa a kon gelh khiak ahi.

Mite thuhilh a hanthawn, mite kiang Pathian muan a hoihdan gen, Pathian a kipak gige dia deihsak thu gen kichi a baih lam a, himahleh a tak gam i tot khak chiah i gengen thute zui a liing hetlou a om mihing gam ah baihlam lou hi.

Himahleh, Pathian ah I ki ngak a, muhtheih mihing te pahtak leh phat zual a ki toudelh a kinga zaw lou in, muh theihlouh Pathian ah kinga teitei zaw din kon chial hi.

Toupa i muanna pen hunnuam kia ah hilou in hun haksa, damlouh beidot hun ah muang sem le, Amah ei a dia muanhuai den ahi.

Toupan thupina tang ta hen.
=================================

A liing ngeilou Toupa

Asa: Shalomi Donngaihlian
Lyrics & Tune: Ching Mangte

1. Muanhuai Toupa bel ing ka chih hang
Lungkham dahnate ka tuah chiang
Muang lah in ka ginna'n lam niam a zui a
Muan ding dang simlei ah ka zong a
A kiplou mi leh khovel thil
Ah muang in hinkhua liing zel hi

A liing ngeilou Toupa hi
A danglou kikhek ngeilou
Toupa hi a muanhuai pen
Ka lametna teng bei a ka zot chian zong
Hon en a hon pomkip lai Toupa muanhuai den hi

2. Damlouh haksatna tuah louh chiang in
Chidam nuamsa in lungmuang ing
Tuachiang Toupa muan a hoih dan ka gen a
Hizong nat leh sat ten hon sual chiang
Ka theihsa te zui zoulou in
Na muanhuaina ngilh kha zel ing

3. A hatlou suanding bei hing Toupa
Na ngaihdam hihhatna kon ngen
Kon ginlah hang nang zaw na dik gige hi
Damsung huihpi hat tak theng sak Pan
Ka haksatna non zoh pih a
Ka haina nang pilnan non khek

4. Muhtheih louh Toupa muang den mite
Hunnuam a zong Amah muang te'n
Sihna limguam tot lai na ngawn Amah muang
A lepchiah san ngeilou mi hangsan
Sihtanpha Amah dia gin om
Sikha muanhuai chi'n Toupan sam ding!

Huihpi hatte daai sak pa
Chi na damlou damsak Pa
Mi sisa kaithou theipa
Toupa hi Amah en in thildang sang in
Na hinkhua tui kihawt zong Jesu na mu thei ding

свернуть