Müəllif: Hacı Arif Buzovnalı
Şeir: Az olmayıb səndən ötrü darıxdığım
musiqi: Fuad İbrahimli - Sükut
Səs: Güldiyar Zülfüqar
QEYD : - - -
--------------------------------------
Şeir və ya qəzəlinizi səsləndirməyimizi istəyirsinizsə,bu ünvana bir şəkiliniz və yazdığınız şeiri göndərin:
(şeir və ya qəzəl yoxlandıqdan sonra yayımlanacaq)
saningonderdiyin@gmail.com
------------------------------------------
Şairin müəllif hüquqları qorunur.
------------------------------------------
Az olmayıb səndən ötrü darıxdığım...
Son təsəllim bu olub ki, bəxtiyarsan
sağsan,varsan.
Mənim kimi durmamısan illərin yol ayrıcında
Ayrılığı dadmamısan...
Hicran zülmü qarşısında qəzəbini udmamısan...
Dərd – qəm səndən uzaq olub
Hamı mənə qonaq olub...
Az olmayıb səndən ötrü darıxdıqım...
Mən hər gecə...
Zülmətlərin sükut dolu nəgməsini dinlədikcə
Sənə bir vaxt demədiyim kəlmələri
Xəyalına söyləmişəm
Cavabını gözləmişəm..
Dilsiz xəyal...
cansız xəyal...
Bütün gecə lal olub lal...
Az olmayıb səndən ötrü darıxdığım...
Sən mənə bəxş eyləmisən təkliyimi
Bəlkə qanın qaralardı...
Bəlkə bir az xoşbəxtliyin azalardı
Bir bilsəydin bu illərdə sənsiz nələr çəkdiyimi...
Nə yaxşı ki, bilməmisən.
Qismətinə Allah yazan səadəti
Bir miskinin xətri üçün bölməmisən...
Fələk tale bölgüsünü aparmayıb ədalətlə
Ayrı düşüb mizrabından könül simi
10 il qabaq salamıma cavab olan təbəssümü
Bu günəcən işlədirəm qənaətlə...
Bu şerimi sən oxuma...
Burda niskil, burda hicran, qəm-kədər var
Oxuduqca məhəbbətdən dağ-dağ olmuş sevən qəlbi
“Ah” dumanı zəbt eləyər aram-aram...
Mənə vaxt ver...
Qoy bir az da fikirləşim,
Mən səninçün səadətdən, xoşbəxtlikdən yazacağam...
©
Ещё видео!