Matt. 27;19 – En terwyl hy op die regbank sit, het sy vrou na hom gestuur en gesê: ‘’ Moet tog niks te doen hê met hierdie regverdige man nie, want ek het vandag in ’n droom baie gely om Sy ontwil ’’. Job 33:14-16 – Want God spreek op een, ja, op twee maniere, maar die mens let daar nie op nie. In die droom, in ʼn naggesig, as diepe slaap op die mense val, tydens die sluimeringe op die bed, dan open Hy die oor van die mense, en Hy druk die seel op waarskuwing aan hulle, om die mens terug te hou van sy onderneming, en trotsheid vir die man te verberg, sodat Hy sy siel kan red uit die kuil, en sy lewe, dat dit nie omkom deur die spies nie. (1) (a) Drome is een van die gawes wat die meeste misgekyk word, as ʼn vorm van kommunikasie wat God gebruik tussen die mens homself, en sy God. Die Woord van God is vol daarvan hoe die Here met individue in Sy Woord gespreek het deur drome. (b) God gebruik drome vir ʼn hele paar verskillende dinge. (i) Soos om wêreldleiers te waarsku van toekomstige gebeure, Josef wat vir Farao sy droom verduidelik van die 7 vet jare en die 7 maer jare, (Gen. 41;1-8), (ii) om openbaringe aan Sy profete te gee, soos God hier aan Aaron en Mirjam verduidelik oor Moses toe hul teen hom opgetrek het, (Num. 12;6), (iii) om ons teen sekere besluite te waarsku, hier waarsku Pilatus se vrou hom oor die droom wat God haar gegee het, (Matt. 27;17-19), (iv) om Sy doel vir ons lewe te openbaar, (Gen. 37;5-8, hier openbaar God Josef se toekoms aan hom deur n droom, (v) asook om ons nuutste pleite en gebede te antwoord, hier het God aan Salomo verskyn in n droom, (1 Kon. 3;5-15). (b) Hand. 2: 16-17- Maar dit is wat deur die profeet Joel gespreek is: En in die laaste dae, spreek God, sal Ek van My Gees uitstort op alle vlees, en julle seuns en julle dogters sal profeteer, en julle jongelinge sal gesigte sien, en julle ou mense sal drome droom. (i) Hierdie vers bevestig dat God voortgaan in die Nuwe Testament om drome en visioene as ʼn tipe van kommunikasie te gebruik. Aangesien dit die geval is ontstaan die vraag dan nou of alle drome en gesigte van God af is? (ii) In dieselfde vers verder aan sien ons ook dat profesie deel van hierdie tekswoord is, maar tog waarsku die Bybel ons oor en oor teen valse profete. (iii) So ons kan verseker wees omdat drome en gesigte ook deel is van Joel se profesie dat daar ook baie valse drome en gesigte sal wees, veral in die laaste dae waarin ons nou lewe. (iv) Hoe duidelike bewys is hierdie ook net nie teen die valse prediking van baie in die kerk dat Joel se profesie nog gaan kom nie, Petrus self se hier dat hierdie profesie nou in vervulling gekom het met pinkster uitstorting. (c) (i) Die vraag is nou, moet ons elke more opstaan en op die uitkyk wees vir geestelike betekenisse in ons drome van die vorige nag of nie, ek wil hier vir u se nee. (ii) Gewoonlik wanneer ʼn droom van die Here af is sal die Here u ʼn middernagtelike ondervinding gee, u sal wakker word en alles sal in een oomblik helder wees by u, u sal weet dat die Here met u gepraat het, u sal ʼn dringendheid by u hê om op te staan en alles neer te skryf. (iii) Dit is duidelik dat alle drome nie van die Here af is nie. (iv) Baie keer sal u nie die droom verstaan nie en bid en die Here vra om die droom weer vir u te gee en u sal aan die slaap raak en dit vir die tweede keer met meer detail droom, of u sal een deel droom en opstaan en neerskrywe en bid daaroor en verder gaan slaap en ook ʼn tweede deel daarvan droom. (v) So het sus Anet kort voor n konferensie waar ons voor die raad moes verskyn, gedroom die Here se, Ek het voor n raad verskyn maar hulle was teen My, maar julle verskyn voor n raad en hulle is vir My. Toe het sy gaan slaap en dit weer gedroom. (d) (i) Drome is deel van ons alledaagse bestaan, hetsy negatief of positief, en dit het deels te doen met die onderhouding van ons gesondheid en emosionele toestand van ons lewe. Met ander woorde dit vind plaas in ons sielslewe, in ons onderbewussyn. (ii) Tog sal baie mense vir u se dat hulle glad nie droom nie en dat drome sommer nonsens is. Ek was een van hulle, ook tot na ek die Here ontmoet het en my hart vir Hom gegee het, ek moes vas en bid om hierdie gawe te kon ontvang. (iii) Paulus skrywe tog duidelik vir ons dat ons ʼn gawe moet begeer en dan bid daarvoor. So ons hoef nie net by een gawe te bly wat ons met die doping van die Heilige Gees ontvang het nie, ons kan die Here vra vir meer, glo my die Here het my diepe begeerte daarvoor raak gesien.
DROME, VISIOENE EN DIE UITLEG DAARVAN REEKS - DEEL1
Теги
DROMEVISIOENEPROFESIEUITLEGVROUGESTUURREGVERDIGEONTWILSPREEKGODJESUSCHRISTUSHEREREGBANKNAGGESIGSLAAPSLUIMERINGEBEDOPENSEELMENSEWAARSKUWINGONDERNEMINGTROTSHEIDVERBERGSIELREDKUILLEWEOMKOMSPIESSYGAWESMISGEKYKVORMKOMMUNIKASIEWOORDINDIVIDUEWERELDLEIERSGEBEURETOEKOMSTIGEJOSEFFARAOOPENBARINGEPROFETEAARONPILATUSTOEKOMSASPLEITENUUTSTEGEBEDESALOMOOPJONGELINGEBEVESTIGVOORTGAANTIPEBYBELKERKPREDIKINGVERVULLINGIN