СӘЛЕМ ДОСТАР!
Әлемде көркі көз тартар жерлер аз емес. Алайда, адамның баруына қауіпті жерлер де аз емес.

АҚШ, Вашингтон тауы

Вашингтон тауының шыңында жер бетіндегі ең күшті жел соғып тұрады. Желдік жылдамдығы – 327 км/сағат. Онымен қоса, температура -40 градусты көрсетіп, үнемі қар жауып тұрады. Таудың биіктігі 1917 метрді құрайды. Оның шыңына шыққан адам Эверест тауына шыққандай күш жұмсайды.


Индонезия, Синабунг жанартауы

Синабунг жанартаудың атқылауынан жақын маңдағы ауылдар мен қала тұрғындары зардап шегеді. 2010, 2013, 2015 жылдары лава апатты жағдайда атқылаған. Соңғы рет 2016 жылдың 27 ақпанында жанартау 2500 метр биіктікке газ, лава мен күлін шашыратқан. Содан бері жанартаудың өзі де бүліне бастады.

Боливия, Мадиди ұлттық бағы

Сырттай қарағанда көркі көркем туындыларға ұқсағанымен, мұндағы өсімдік, жәндік атаулының барлығы қышыма ауруын туғызады. Тіпті, кішкентай құрттардың өзі үлкен жарақат туғызуы мүмкін.

8639915-1000-1460623190-shutterstock_295237703

Ресей, Камчатка, Өлім мекені

Ресейдегі Өлім мекені атақты гейзер Мекенінің жанында орналасқан. Бұл жердің ауа құрамында улы газ кездесетіндіктен, ешқандай өсімдік, жануарлар мекен ете алмайды. Тіпті, адамның өзі мұнда өзін нашар сезініп, басы айналып, ыстығы көтеріледі.



Атолл Бикини, Маршалл аралы

Бикини АҚШ ядролық атом сынағын жүргізбей тұрып, демалуға қолайлы жер болған. Сынақтан кейін арал қалпына келмеді. Бұл аумақта радиацияның аномальді жоғары деңгейі анықталған. Мұнда ұзақ жүруге болмайды. Өйткені, адам радиация салдарынан онкологиялық ауруға ұшырауы мүмкін.



Эфиопия, Афар

Эрта Але жанартауы Афар аумағында орналасқан жер бетіндегі ең құбылмалы жер. Мұнда жер үнемі қозғалыста тұрады. Аяқ астында жатқан топырақтың бір сәтте ізім-ғайым жоғалып кетуі ықтимал. Оған екі жанартау көлі себеп. Лава деңгейі бірде көтеріліп, бірде төмен түсіп тұрғандықтан мұнда тұрақсыздық орын алады.



Танзания, Натрон көлі

Бұл Танзаниядағы Натрон көлінің көрінісі. Көлдің тұздылығының деңгейі жоғары болғаны соншалық – көлдің суы тиген тіршілік иесі өліп кетеді. Сондықтан мұнда суға түсуге тыйым салынған. Тіпті, иісінің өзі мұрын жарып жіберетіндіктен көл жанында ұзақ жүруге болмайды.

свернуть