səs: Xəzər Süleymanlı
piano: Akif Əliyev

Yəqin ki, düşünürsən...
Ta gəlmişəm özümə.
Hətta əhsən deyirsən,
Məndə olan dözümə...

Yəqin düşünürsən ki,
Nə var başı qatmağa
Gündüz yeyib-içməyə,
Gecə rahat yatmağa...

Mənə xəyallarında,
Qız da yaraşdırırsan,
Bizi gah küsdürürsən,
Gah da barışdırırsan...


Sevgidir də... bitdisə,
Yerim dolar deyirsən...
Mən olmadım, bəlkə o,
Xoşbəxt olar deyirsən...

Günü-gündən çoxalır,
Təkliyinin sorğusu.
Zəngli saat kimidir,
Ürəyinin ağrısı...

Səhər, günorta, axşam,
Yapışır e, yaxandan...
Gah işindən eliyir,
Gah da şirin yuxundan...

Tək deyilsən, bu hiss çox-
bəndədə var, əzizim...
Nə yalan deyim elə,
Məndə də var, əzizim...

Səni aldatmasın ha,
insanların çoxluğu...
Adamı çox yandırır,
Bir nəfərin yoxluğu...

Günü-gündən çoxalır,
Təkliyimin sorğusu...
Zəngli saat kimidir,
Ürəyimin ağrısı...

Səhər, günorta, axşam,
Yapışır e, yaxamdan...
Gündüz işimdən edir,
Gecə şirin yuxumdan...

#xəzərsüleymanlı #xezersuleymanli

Facebook: [ Ссылка ]

İnstagram: [ Ссылка ]...

Tik-tok: [ Ссылка ]

Telegram: [ Ссылка ]

свернуть