NATO do ta kryejë stërvitjen e saj vjetore të reagimit bërthamor "Steadfast Noon" javën e ardhshme, siç ishte planifikuar, tha shefi i aleancës së atlantikut verior, Jens Stoltenberg para gazetarëve.
"Ky është trajnim rutinë që ndodh çdo vit” tha Stolteberg, dhe do të ishte një sinjal i gabuar, nëse do ta anulonim, pikërisht tani. "Rusia e di se një luftë bërthamore nuk mund të fitohet dhe nuk duhet bërë kurrë”, tha Stoltenberg duke iu referuar "kërcënimeve të fshehta bërthamore” të Kremlinit.
Presidenti Putin ka kërcënuar se do të mbrojë tokën ruse duke përdorur të gjitha masat e nevojshme – duke përfshirë përdorimin e armëve bërthamore. Moska kohët e fundit aneksoi katër rajone të Ukrainës, duke shkelur të drejtën ndërkombëtare, dhe Putini ka thënë se Rusia do t'i shihte sulmet e Ukrainës në këto rajone si sulme ndaj vetë Rusisë.
Stërvitja Steadfast Noon, është një stërvitje e përvitshme dhe do të vazhdojë për afro një javë. Në këtë stërvitje përfshihen avionë që mund të mbajnë armë bërthamore, por nuk bëhet fjalë për lëshime të vërteta bombash. Avionët konvencionalë dhe të mbikqyrjes, bashkë me avionët e furnizimit, do të jenë të pranishëm po ashtu. 14 nga 30 vendet anëtare të NATO-s do të marrin pjesë në stërvitjen që në fakt ishte planifikuar para se Rusia të pushtonte ukrainën në shkurt. Ndërkohë që vendi ku do të mbahen manovrat do të jetë më shumë se 1 mijë kilometra larg nga Rusia.
“Forca e NATO-s, vendosmëria dhe fuqia jonë ushtarake, është mënyra më e mirë për të parandaluar përshkallëzimin”, tha Stoltenberg. “Nëse ne tani krijojmë terrenin për ndonjë keqkuptim apo keqpërllogaritje në Moskë për vendosmërinë tonë për të mbrojtur të gjithë aleatët, ne do të rrisnim rrezikun e përshkallëzimit”, shtoi ai.
Pamje:AFP
Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar.
Për më shumë vizitoni: [ Ссылка ]
Subscribe to "Top Channel" on YouTube Channel for NEWS and TV
Shows HERE: [ Ссылка ]
For more content from click HERE: www.top-channel.tv
Like Top Channel on Facebook HERE: [ Ссылка ]
Follow Top Channel on Instagram HERE: [ Ссылка ]
Follow Top Channel on Twitter HERE: [ Ссылка ]
#TopNews#NATO#Stervitja
![](https://s2.save4k.ru/pic/RxoG_9EyA9U/maxresdefault.jpg)