Ազատագրական բանակի հրամանատար Հովսեփ Հովսեփյանի և գնդապետ Ազատագրական բանակ ՀԿ նախագահ Վոլոդյա Ավետիսյանի նախաձեռնությամբ Արցախյան գոյամարտին ակտիվ մասնակցություն ցուցաբերած անհատներին պարգևատրում են Լեոնիդ Ազգալդյանի անվան հուշամեդալով։
Օրերս հերթական հուշամեդալը հանձնվեց Արցախյան պատերազմի հերոս, Շուշիի ազատագրման հրամանատար , գեներալ Արկադի Տեր-Թադեվոսյանին(Կոմանդոս)։
Իր երախտիքի խոսքում գեներալ Արկադի Տեր-Թադեվոսյանը կարևորեց այս նախաձեռնությունը և նշեց, որ Լեոնիդ Ազգալդյանի այն կերպարն է, որով պետք է դաստիարակվի մատաղ սերունդը։
Գեներալ Արկադի Տեր-Թադեվոսյանը բարձր գնահատեց վերջին շրջանում այն ակտիվությունը, որ կա Լեոնիդ Ազգալդյանի անվան և հիշատակի շուրջ, սակայն հավելեց ,որ այս ուղղությամբ կան դեռ շատ անելիքներ։
![](https://i.ytimg.com/vi/Ry3aEmjFaTE/maxresdefault.jpg)