ОХУ-ын Украинд хийж байгаа дайн хоёр иртэй хутга шиг: Нэг ирээрээ Украйнчуудыг, нөгөө ирээрээ бага ястнуудаа устгаж байна.
Бага ястнууд, үндэсний цөөнх дундаа монгол угсаатны эртний аймаг, монгол үндэстний одоогийн ястан, язгуурын монгол хэлт ард түмэн болох Буриад, Тува, Халимаг, Алтай ястнууд Москвагийн үе үеийн дайнд тэргүүн эгнээнд нь тулалдаж, амь насаа зольсоор ирсэн. Украины дайнд ч тэр зүүн хязгаарын, алслагдмал нутаг орнуудын бага ястнууд сонголтгүйгээр дайчлагдаж байхад Оросын том хотуудад энэ дайчилгаа адилхан үйлчилсэнгүй.
