Bellissimo brano di De Cristoforo - E.A. Mario magnificamente interpretato da Sergio Bruni.
NAPULE E' NA CANZONA
De Cristoforo - E.A. Mario
Se vonno purtá Napule,
nun saccio a quà paese:
miliardarie ca fanno spese,
se ne trovano 'nquantitá!...
Nu bellu juorno, tèccote,
s'appura, ditto 'nfatto,
ca Pusilleco ha fatto...'o sfratto...
e 'o Vesuvio...va' trova add ó' sta!
Ma...pe' s''a purtá,
nun sanno ancora comm'hann''a fá...
No, niente ce pò,
pe' spustá Napule 'a dó' sta mo...
Sí, só' migliare 'e prugette,
ma chi ce se mette,
maje niente pò fá!
E tutt 'a vònno Napule,
ma nisciuno s''a pò purtá...
Chi 'a vò purtá in America,
chi 'a vò purtá in Giappone...
ma ll'Europa se fa ragione,
dice: "E' meglio ca resta ccà!"
E allora va in Germania?
Va 'n Francia o in Inghilterra?...
Pò succedere n'ata guerra
pe' decidere chi ll'ha davé...
Ma...pe' s''a purtá,
nun sanno ancora comm'hann''a fá...
No, niente ce pò,
pe' spustá Napule 'a dó' sta mo...
Sí, só' migliare 'e prugette,
ma chi ce se mette,
maje niente pò fá!
E tutt 'a vònno Napule,
ma nisciuno s''a pò purtá...
Quanta 'ngigniere vènono!
Ma che prugette fanno?
Comme vènono...se ne vanno!
Se ne vanno, ma...pe' turná...
Chi 'a vò' tirá c'o mángano,
scastrata intera intera...
Chi 'a vò' spartere cu maniera,
piezzo, piezzo...e po' 'a torna a 'ncullá!
Ma...pe' s''a purtá,
mo c 'o ccunziglio comm'hann''a fá...
No, niente ce pò,
ma 'o mezzo è facile pe' chi 'o vò'...
Quanno na bella canzone,
cu tutt''a passione,
s'arriva a cantá...
Pe' tutt''o munno, Napule,
dint''o core, se pò purtá...
Ещё видео!