«Сәтті жұлдыз» ұлттық лотереясына қатысқан тағы бір қазақстандық миллионер атанып отыр. Бұл компанияның биыл ойнатылған оныншы қомақты жүлдесі екен. Джекпот жеңімпазы сауда орындарының бірінен 5/36 лотереясының бір ғана билетін сатып алған. Сөйтіп, айналдырған екі минут ішінде 22 миллион теңге ұтып алды.
Несіпжан Төлегенов жиырма жылдан бері лотереяға қатысып келеді. Айтуынша, әрдайым бірнеше лотереяға 3 мың теңгеге билет сатып алады екен. Бұған дейін де теледидар, музыка орталығын және қаржылай сыйлықтар ұтыпты. Ал бұл жолғы билетімен джекпот ұтып отыр. Ұтыс көлемі шамамен 22 миллион теңге. Енді Несіпжан қолға алатын қомақты қаржыны тұрмысын түзетуге жұмсамақ.
НЕСІПЖАН ТӨЛЕГЕНОВ, «5/36» лотереясының жеңімпазы:
– Ұлым бар, қызым бар. Балаларыма беремін. Өзіміз ипотекада үйде отырмыз. Соны төлейміз. Өте қуаныштымын. Сіздерге де тілейтінім бәріңіз ойнаңыздар. Ұтыңыздар. Бәріңізге сәттілік тілеймін.
НҰРБОЛАТ ЖАҢАБЕКҰЛЫ, тілші:
– «Сәтті Жұлдыз» компаниясының өкілдері өткен жылы дәл осы 5/36 лотереясында 7 рет джекпот ойнатылды деді. Ал биыл жыл басынан бері үш жеңімпаз анықталыпты.
Яғни, бірінші ұтыс - 47 миллион теңге көлемінде болған. Екіншісі - 15, ал үшінші джекпоттың иегері 21 миллион 500 мың ұтып отыр.
ШЫНБОЛАТ ПАЗЫЛ, «Сәтті Жұлдыз» АҚ PR-менеджері
– Бұдан бөлек «Сәтті Жұлдыз» Ұлттық лотереясы жақын арада яғни, 29 тамызда «Tоyota Camry 75» автокөлігін ойнатады. Оған қатысу үшін «Loto 49/6»-ға 6 билетті бір чекпен сатып алу керек. Яғни, 1800 теңге жұмсау қажет. Сондай билет алса, 29 тамызда өтетін ұтысқа қатыса алады.
Сондай-ақ, «Сәтті Жұлдыз» биыл 6 пәтер, 6 автокөлік ойнатуды жоспарлапты. Қазірге дейін 7 қазақстандық жүлдесіне қол жеткізіп үлгерген. Енді алдағы үш айда 3 көлік пен 3 пәтер ойнатылмақ. Ал билет құны лотерея түріне қарай 300-500 теңге аралығында сатылады.
Нұрболат Жаңабекұлы, Сергей Шуиский
Бізді әлеуметтік желіде оқыңыздар:
Youtube -[ Ссылка ]
Facebook - [ Ссылка ]
Instagram - [ Ссылка ]
Vkontakte - [ Ссылка ]
TikTok - www.tiktok.com/@informburo31
WhatsApp Информбюро +7 777 331 31 31
