«Հաղթանակ» թաղամասի բնակիչները զրկվել են սեփական հողը տնօրինելու իրավունքից։ Նրանք ոչ կարողանում են հողահարկ վճարել, ոչ էլ իրենց հողն օգտագործել այնպես ինչպես իրենք են կամենում։
Մեկ տարի առաջ՝ ընտրությունների նախաշեմին, ՔՊ-ական պատգամավորները խոստացել են ընթացք տակ խնդրին՝ ընտրություններից հետո։ Սակայն, ինչպես լինում է բոլոր նախընտրական խոստումների հետ, այս դեպքում էլ բնակիչնեը ձեռնունայն են մնացել։
Այժմ նրանք մտավախություն ունեն, որ սեփական հողը կարող են խլել իրենց ձեռքին, ինչպես դա եղել նախկին իշխանությունների ժամանակ, օրինակ Հյուսիսայի պողոտայի բնակիչների դեպքում։
Բնակիչներն, կառավարության աշխատակազմի խորհրդով, պնդիրը ներկայացրել են գրավոր։
«Կառավարությունում ներկայացրեցինք խնդիրը, մեզ ասացին, որ խնդիրը իրավական լուծում ունի, բայց պետք է գրավոր ձևով ներկայացնենք։ Մեր դիմումը ներկայացնելուց հետո 15-օրյա ժամկետում Կառավարությունից պատասխան պետք է ստանանք»,– Կառավարության ընդունարանից դուրս գալով՝ ասաց «Հաղթանակ» թաղամասի բնակիչ Գեղամ Գլասյանը։
