Ministri serb i punëve të brendshme, Bratislav Gashic, vizitoi mbrëmjen e të martës trupat e xhandarmërisë serbe në Kraljevë, duke deklaruar se ushtria është në gatishmëri. Kraleva është qytet jo shumë larg pikës kufitare, Jarinjë, në pjesën veriore të Kosovës. Mediat serbe shkruajnë se Gashic konfirmoi se të gjitha instancat e ministrisë së brendshme janë në gjendje të lartë gatishmërie dhe se pjesëtarët e xhandarmarisë po ashtu janë të gatshëm të kryejnë cdo mision që do tu ngarkohet. Gjatë vizitës në Kraljevë, ministri theksoi edhe se xhandarmëria është e përkushtuar dhe e motivuar për të mbrojtur qytetarët e serbisë. Ndërkohë, shefi i kontigjentit gjerman të KFOR-it, koloneli Egon Frank, ka paralajmëruar për përshkallëzim të mëtejshëm të situatës duke thënë për gazetën gjermane Velt se ekziston një rrezik i përhershëm që situata e sigurisë në kosovë të përkeqësohet papritur. Sipas tij, situata e brishtë në veri të Kosovës vjen si pasojë e “krimit të organizuar, strukturave paralele serbe dhe potencialit të pandryshuar për konflikt ndëretnik”. Përveç kësaj, populli në veri të Kosovës përdoret “si instrument nga aktorë të ndryshëm”, shton ai. Normalisht, gjendja e sigurisë në të gjithë Kosovën, përfshirë veriun e saj, është përgjegjësi e forcave kosovare të sigurisë, pra policisë dhe policisë kufitare. Por, në veri, mirëpriten misionet ndërkombëtare, si KFOR-i, që në fakt mund të vendoset në terren në situata ekstreme. Përparësia e ushtarëve ndërkombëtarë është se ata janë të pranueshëm për popullatën ndërkohë që pakica serbe reagon keq ndaj policëve të Kosovës.
Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar.
Për më shumë vizitoni: [ Ссылка ]
Subscribe to "Top Channel" on YouTube Channel for NEWS and TV
Shows HERE: [ Ссылка ]
For more content from click HERE: www.top-channel.tv
Like Top Channel on Facebook HERE: [ Ссылка ]
Follow Top Channel on Instagram HERE: [ Ссылка ]
Follow Top Channel on Twitter HERE: [ Ссылка ]
#TopNews#Ushtria#Gatishmeri
![](https://i.ytimg.com/vi/SBtSDnhhdUc/maxresdefault.jpg)