ՏԱՍՍ լրատվական գործակալության փոխանցմամբ՝ Ռուսաստանի Դաշնության նախագահ Վլադիմիր Պուտինը Լեռնային Ղարաբաղի հակամարտության կարգավորման խնդիրը քննարկել է Հայաստանի վարչապետ Նիկոլ Փաշինյանի և Ադրբեջանի նախագահ Իլհամ Ալիևի հետ: «Նոյեմբերի 1-ին և 2-ին տեղի են ունեցել Վլադիմիր Պուտինի հեռախոսազրույցները նախ Նիկոլ Փաշինյանի, ապա Իլհամ Ալիևի հետ: Զրույցների ընթացքում հանգամանորեն քննարկվել են Լեռնային Ղարաբաղի հակամարտության կարգավորման հարցերը»,- ասվում է Կրեմլի տարածած հաղորդագրությունում:
ՏԱՍՍ-ը հիշեցնում է, որ հոկտեմբերի 22-ին մասնակցելով «Վալդայ» ակումբի քննարկումներին՝ Պուտինն ասել է, որ «Ռուսաստանից ավելի շատ ոչ ոք հետաքրքրված չէ ղարաբաղյան խնդրի կարգավորմամբ»: Նա ասել է նաև, որ մշտական շփման մեջ է Նիկոլ Փաշինյանի և Իլհամ Ալիևի հետ: «Ամեն օր մի քանի անգամ եմ խոսում նրանց հետ»,- ասել էր Ռուսաստանի ղեկավարը:
Նշենք նաև, որ երեկ ադրբեջանական կողմը հրետանային միջոցներից կրակ է վարել ՀՀ ԶՈՒ մարտական դիրքերի և Հայաստանի հարավային սահմանին գտնվող Դավիթ-Բեկ բնակավայրի ուղղությամբ, ինչի հետևանքով մեկ քաղաքացիական անձ զոհվել է, ևս երկուսը՝ վիրավորվել:

Նյութի աղբյուր՝ 1in.am, factor.am

#lurerhayastanic #arcaxpaterazm #հաղթելուենք #alieverdoxan #verjinlurer #arcaxichanachum #chanachum #ճանաչում

свернуть