Sekretari i përgjithshëm i NATO-s, Jens Stoltenberg, ka deklaruar se Aleanca respekton vendimin e Serbisë për të mos u bërë anëtare e saj, duke shtuar se NATO asnjëherë nuk detyron asnjë vend që të bëhet pjesë. “Ky është vendim i pavarur edhe sovran i Serbisë dhe NATO absolutisht e respekton, siç e respekton vendimin e Suedisë edhe Finlandës që janë partnerë, por jo pjesë e NATO-s”, tha Stoltenberg. Ai tha se roli kyç i NATO-s në Kosovë është mbështetja e dialogut politik dhe mundësimi i lëvizjes së lirë të të gjithë qytetarëve. Stoltenberg theksoi se aleanca ka rol me rëndësi në ruajtjen e paqes edhe evitimin e konflikteve si dhe gjetjen e zgjidhjes, kur flitet për dialogun mes Prishtinës edhe Beogradit dhe në këtë kuptim, ai shtoi se mbështet BE-në që ndërmjetëson dialogun. “Roli kyç i NATO-s në Kosovë është mbështetja e dialogut politik dhe sigurimi i lirisë së lëvizjes për të gjitha bashkësitë”, ka nënvizuar ai. Duke folur për praninë e forcave të aleancës në Ballkan, Stoltenberg tha se NATO ka një rol kyç për evitimin e konflikteve të reja në rajon. “NATO ka zyra në Sarajevë, forcat e KFOR-it në Kosovë, zyrë në Beograd” dhe përkujtoi anëtarësimin e Malit të Zi dhe Maqedonisë së veriut në NATO, duke nënvizuar se roli i kësaj aleance në Ballkan është evitimi i konflikteve të reja. Këtë vit Stoltenberg përfundon mandatin e tij 10 vjeçar në krye të NATO-s dhe pastaj do të emërohet guvernator i Bankës Qendrore në Norvegji.
Pamje:AFP
Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar.
Për më shumë vizitoni: [ Ссылка ]
Subscribe to "Top Channel" on YouTube Channel for NEWS and TV
Shows HERE: [ Ссылка ]
For more content from click HERE: www.top-channel.tv
Like Top Channel on Facebook HERE: [ Ссылка ]
Follow Top Channel on Instagram HERE: [ Ссылка ]
Follow Top Channel on Twitter HERE: [ Ссылка ]
#Serbia#NATO#TopChannel
