Հայ ժողովրդական «Մշո գեղեն» երգն է՝ «Շողակն» անսամբլի կատարմամբ: Մենակատար՝ Հասմիկ Հարությունյան:
Այս երգով մեր առջև պատկերանում է մի գեղեցիկ տեսարան. Մշո գյուղերից մեկից դուրս են եկել երկու ջահել հարս, գնացել դեպի գետը և, ինչպես հայոց դիցաբանության մեջ Աստղիկը, լողացել են նրա ջրերում: Սակայն, քանի որ նրանք չունեն Աստղիկ դիցուհու գերբնական կարողությունը՝ օտար հայացքից թաքնվելու համար իրենց մշուշով պատելու, նրանց տեսել են մշեցի տղաները և հյուսել այս գեղեցիկ երգը՝ մեզ պատմելով տեղի ունեցածը: Այնուհետև երկու ջահել հարսներին տեսնում ենք գետափին: Նրանք նոր են դուրս եկել պաղ ջրից և արևի տակ կանգնած դողում են ու սրբիչով չորացնում իրենց թաց մարմինները: Նրանց թրջված մարմինները դեռևս շողում են արևի տակ ինչպես նռան հատ:
Երգի մյուս հատվածում թվում է, թե երգողն անհարմար է զգում նորից նայել ջահել հարսներին, որոնք չեն էլ նկատել օտար աչքերի ներկայությունը, և հայացքը դարձնում է Մշո դաշտով անցնող երկու գետերի՝ Մուրադի ու Մեղրագետի կողմը, որոնք գնում միանում են Եփրատին:
Armenian folk song "Msho geghen" (From the village of Mush) performs "Shoghakn" ensemble. Vocal by Hasmik Harutyunyan.
Երգի խոսքերը՝
Մշո գեղեն երկու հարս,
Մտել են գետ կլողեն,
Հելեր են ափ կդողեն,
Քանց նռան հատ կշողեն:
Հայ նայ նայ նայ նայ
Նայ նայ, խորոտ յար:
Մշո գելներ երկու գետ,
Մշո գելներ երկու գետ,
Մեկ Մուրատ, մեկ Մեղրագետ,
Երթան թափվին Եփրատ գետ:
Մուրադ գետ - Արածանի գետը կամ նույն Արևելյան Եփրատը:
![](https://s2.save4k.ru/pic/SSj7_Rc4nDg/maxresdefault.jpg)