Gürcüstan prezidentinin "şərəf" ordeninə layiq gördüyü sənətkar - Baku TV

Gürcüstanda azərbaycanlıların kompakt yaşadıqları Kvemo-Kartli Borçalı bölgəsi tarix boyu öz ustad aşıqları, yazarları, şairləri və digər sənət adamları ilə məşhur olub. Borçalı aşıq məktəbinin yetirmələri bu gün də həm Gürcüstanda, həm də Gürcüstanın hüdudlarından kənarda özlərinəməxsus ifaları, eləcə də dillər əzbəri olan şeirləri ilə sevilirlər.

Bu günlərdə 70 illik yubileyi qeyd edilən şairə Səadət Buta 16 şeirlər kitabının, həmçinin 12 xalq mahnısının müəllifidir. Hələ uşaq yaşlarından şeirlər yazmağa başlayan şairə artıq 50 ildir ki, yazdığı şeirləri ilə bütün türk dünyasında məhşurlaşıb. Gürcüstan Prezidenti tərəfindən “Şərəf” ordeni ilə də təltif olunub. Şeirləri gürcü dilinə də tərcümə edilib. Hətta “Dmanisi” poeması Gürcüstanda yaşayan azərbaycanlıların gürcü dili dərsliyinə salınıb.

Səadət Buta ustadlardan miras aldığı xalq sənətinin incəliklərini bu gün də böyük sevgi ilə gənc nəslə öyrədir. Onun yaradıcılığında vətənə və torpağa olan sevgi əsas yer tutur.

Səadət Buta həm də “Aşıq Pəri” məclisinin yaradıcılarından biridir. Qadın aşıqların yetişməsində böyük xidməti olan sənətkarı el arasında Borçalının şairə anası Buta kimi də adlandırırlar.

Məlumat üçün onu da bildirək ki, Gürcüstanda azərbaycanlıların kompakt yaşadıqları Marneuli rayonunda Səadət Butanın 70 illik yubileyinə həsr edilən tədirdə aşıqlar və gənclər çıxış edərək, şairənin şeirlərini, eləcə də həmin şeirlərə bəstələnən mahnıları ifa ediblər.


Kanalın əsas məqsədi dünyada və ölkədə baş verən ən vacib və maraqlı xəbərləri azərbaycan və rus dillərində geniş auditoriyaya çatdırmaqdır.

Baku.Tv ölkədə və dünyada baş verən ən aktual və maraqlı hadisələr barədə operativ videosujetlər hazırlayaraq auditoriyaya təqdim edir.

Facebookda səhifəmiz:
[ Ссылка ]
[ Ссылка ]
[ Ссылка ]

Kanalda bütün müəllif hüquqları qorunur.

#BakuTv #Azerbaycan #trend

свернуть