Më 21 Maj do të përkujtohet 50-vjetori i revoltës së Spaçit. Në kuadër të kësaj ngjarjeje historike, programi “Shije Shtëpie” në Tv Klan mirëpriti në studio një ish të dënuar në burgun e Spaçit. Agron Hoxhaj kaloi 15 vjet në burgun e Spaçit pas tentativës së tij për t’u arratisur. Ai rrëfen se ishte vetëm 19 vjeç kur u dënua për këtë përpjekje të tij, pas kallëzimit të një personi që i kishin kërkuar ndihmë.
Katerina Trungu: Së pari, pse u dënuat?
Agron Hoxhaj: Unë jam dënuar për veprat penale atëherë që quheshin kundra shtetit siç ishte arratisja dhe agjitacioni i propagandës. Jam burgosur në një moshë relativisht të re, më iku gjithë rinia në burg.
Katerina Trungu: Sa ishit?
Agron Hoxhaj: Unë isha 19 për 20 kur jam dënuar dhe pasi kreva hetuesinë në qytetin e Fierit, kalova në burgun e Spaçit.
Katerina Trungu: Të lutem, mund ta tregojmë pak më shumë historinë? Pra ju donit që të largoheshit nga Shqipëria?
Agron Hoxhaj: Thjesht unë doja të arratisesha sepse nuk më pëlqente jeta që bëhej këtu në Shqipëri, ku ishte gjithë privime, asgjë nuk ishte e lirë, çdo gjë ishte kundër dëshirës personale. Të visheshe ishte mëkat i madh, po të vishje një gjë që ata e quanin si sjellje borgjeze, hynin në detajet më intime të dëshirës së njeriut, gjëra të tilla që e bënte vërtet të pajetueshme këtu. Të mos dëgjoje muzikë.
Katerina Trungu: Si e dinit ju që në perëndim bëhej një jetë tjetër?
Agron Hoxhaj: Për ne, për zonën tonë ishte një dritare komunikimi me italianët. Unë personalisht dëgjoja muzikë italiane, gjithë programet që ata kishin. Edhe pse ndoshta nuk e kuptoja mirë që edhe fasada e ekranit nuk ishte jeta reale atje se dhe atje kishte vështirësitë e veta jeta, por jo me këto përmasa që ishte këtu, këtu ishte një tmerr i vërtetë.
Agida Koçi: Planifikuat të arratiseshit apo ia thatë dikujt planin tuaj?
Agron Hoxhaj: Ne ishim dy shokë që donim të arratiseshim dhe kërkuam ndihmë nga një i tretë, i cili na denoncoi sepse ai kishte njerëz në Izmir të Turqisë dhe donim një mbështetje që prej aty të kalonim pastaj në SHBA. Dëshira, gjithmonë ngelën dëshira. Na arrestuan dhe atë çka ishte një bisedë e thjeshtë…
Katerina Trungu: Pra thjesht interesim, nuk është se ishte një plan konkret?
Agron Hoxhaj: Ne po bënim plane për të ikur dhe po mundoheshim të krijonim një mundësi për të ikur, këtë që ne do të largoheshim nga kufiri do ta bënim vetë, por donim një mëbshtetje jashtë që mos të ishim të vetmuar.
Agida Koçi: Por si do largoheshit, nuk kishit frikë, si e kishit menduar, gjithë ato roje nëpër kufi?
Agron Hoxhaj: Kësaj gjëje nuk i shkuam thellë se ne ndoshta do të ishim vrarë në kufi, por gjithmonë i jepnim të drejtën vetes që ne të mundoheshim të iknim sepse këtu ishte e pajetueshme, nuk mund të bënim jetën ashtu kolektive për çdo gjë.
#ShijeShtëpie në #TvKlan. Emision edukues, informues & argëtues me znj. Vjollca dhe Katerina Trungu. Çdo ditë me recetat e thjeshta dhe mbi të gjitha ekonomike te znj. Vjollca duke edukuar amvisat si të ushqehemi shëndetshëm. Rubrika të ndryshme me të ftuar specialë me këshilla të thjeshta praktike, të kuptueshme nga të gjithë, për çdo aspekt të të përditshmes. Argëtim, me muzikë dhe quiz, lojëra gjithëpërfshirëse që të japin atë dëshirën për të luajtur dhe për të komunikuar live me Katerinën dhe të ftuarit e saj. #agronhoxhaj #ornelaarapi
SUBSCRIBE to “RTV KLAN” on YouTube for more videos!
Për më shumë informacione vizitoni faqen tonë web [ Ссылка ]
Videot e fundit nga Tv Klan i gjeni në faqen [ Ссылка ]
Follow Tvklan on Facebook: [ Ссылка ]
Follow rtvklan on Instagram: [ Ссылка ]
Programet e Tv Klan mund t’i ndiqni edhe në faqen [ Ссылка ] #Receta#ZonjaVjollca#KaterinaTrungu
![](https://i.ytimg.com/vi/SeaP4lhMLyg/maxresdefault.jpg)