Ассалаумағалейкум көрермен
Шеше сөзін жезөкшелікке теңеп, айналайын деген қазақтың әсем сөзін арабизмге айналдырғандар кім? Олардың ауызын қашан жабамыз? Өнерқырандары театрының директоры Мадияр неден қателесті? Дина Төлепбергеннің үнін өшіріп, қазақ қыздарының мәртебесін көтерген жазушы туралы не дейміз? Бұл туралы өте өзекті әрі қызықты ақпараттарды Диван батыр арнасы баяндайтын болады.
Құрметті көрермен ұлтқа жанашыр қазақ екеніңіз рас болса видеомызға лайк басып, арнаға тіркеліп, қасындағы кішкентай қоңыраушаны түрте кетіңіздер. Кеттік ендеше
Қазір бақа-шаян, құрт-құмырсқа да шикі ойын көпшілікке ұсынып ұнауға тырысып бағуда. Бұл дерт. Аузы қисық болса да бай баласы сөйлесіннің кері. Әйтпесе атамыз қазақ шымшық сойса да қасапшы сойсын, көл тұрған жерден көлшік қазып қайтеміз деп орынсыз пікір айтуғв асықпайтын. Қателессе намыстанатын. Ал, бүгін подкасттар мен интерьвюлер арқылы ақылмандар қынаша көбейген. Бір кездері Өнер қырандары театрының директоры Мадияр Серікбаев «айналайын» деген қазақтың ғажайып сөзін, араб түбегіндегі қасиетті қағбаның арқасынжа алынған деп айды аспаннан бір ақ шығарған еді. Яғни, қазақ өз баласын айналайын дегені, Меккедегі қағба қара тасын айналудан шыққан деген сыңайда ойын өрбіткен болатын.
Ол ол ма? Жүз мыңдаған аудиториясы бар, бүгінде кейбіреулердің ұстазы атанып, культына айналып кеткен имекең Қабылбек Әліпбайұлы "Шеше деген сөз негізінен жеңіл жүрісті әйелдерге қарап айтылған" деп жұрттың ашуын туғызған болатын. Бізге арабтар келмей тұрып пещерный нация болғанбыз ба деп ойланып қаласың кейде. Сауатсыздар кейбір тобырлар сөйтіп ойлап та қойған.
Осыларды түсінбей өлетін шығармыз бір күні. Әй саусақ сыймайтын тесікке, бас сұққылап не көрінді соншама? Өзімді сабырға шақырып әрең әзер жүргенде журналист Дина Төлепберген отқа май құйып, халыққа ұнағысы келгендіктен бе білмеймін, көптен қалғысы келмей келеңсіз пікір айтып үлгерді
ҚЫЗДЫ "ЖАТ ЖҰРТТЫҚ" ДЕП ЖАҚЫНДАТПАУ - ФАШИЗМ"...
Белгілі тележүргізуші Дина Төлепберген қыз бала, әйел туралы қоғамдағы көзқарасқа қатысты осылай піар білдіріпті.
Оның пайымдауынша, ата - анасы қызын «жат - жұрттық» емес, «жаным» десе жөн болады.
«Әйелді ұру – қылмыс. Бұл бос ұран емес, бұл енді заң. Біз «қыз – жат-жұрттық деген ойдан жиренуіміз керек. Өз бауырыңнан шығып, тоғыз ай көтерген перзентіңді қыз болғаны үшін «жат» деп жақындатпау – фашизм. Мен әрбір ата - ананың өз қызын жат емес, жаным дегенін қалаймын.
«Ұлдың мұрасы өзімізде қалады, қыздың мұрасы құдаларға барады» деп ойлау қате! Ұл өз пәтеріне өзі ақша тапса, ұтылмайды. Ал қыз үшін бұл – қауіпсіздік алғышарты», - деп ол әлеуметтік желідегі парақшасында жазды
Дина Төлепбергеннің тапқан жаңа "қорытындысы" әлдебір жасырын күштердің өз қызымыз арқылы жіберіп отырған ұлтымыздың уыз қасиеттеріне қастандығы деп түсінемін. бұл пікірдің авторы Жанымгүл Камалқызы. Жанымгүл ханым, жаным әшейін сол. Дина сынды шикіөкпелердің үнін аямай өшіріпті. Ол өз сөзінде:
Себебі Дина өзі қазақ ұлтының қыз балаға деген құрметін білмейтін сияқты. Ұлт құндылықтарына қызығып, зерделемейтін де сияқты. Біреулер аузына сөз салады, оның байыбына бармай жариялай салады-ау, сірә. Әйтпесе, қыз баланы қазақ ұлтындай құрметтейтін ел әлемде жоқ.
Біріншіден, үлкен ақсақалдар отыратын құрметті орын-төрге қазақ үлкендері жас қыз баланы отырғызады. Есік жаққа отырғызбайды.
Екіншіден, қазақ қолындағы ең қымбатын қыз баланың бойына жапсырады: алтын сырға, білезік, шашбау, өңіржиек, кемзалдарына тағылатын қанша әсем бұйымдар, астына мінетін ат әбзелдерін қалай сәндеген. Ұзатылатын қыздарына арнайы зергер шақыртып, қандай асыл тасты алтын мен күмістен әшекей бұйымдар жасатқан. Эрмитаждағы көрмеге жіберілген қыз сәукелесін орыс этнографы таңдай қаға тамашалаған ғой. Маңдайына қадалған төрт гауһар тасты 2 000 рубль, қалған майда алтын әшекейлерді 1 000 рубль деп есептеймін депті. Сол кезде бір қой базарда 50 тиын тұрады екен. Қыз жат жұртқа бара жатыр деп дүниесін аяп қалмаған. Қызымның сыбағасы, қызым-перзентім ырза болып кетсін деген кең жүректілік.
Шамасы келгендер қыздарын пар ат жеккен алтын пәуескемен ұзатқан. Пар аттың әбзелдерінен өзге пәуескеде үлкен екі алтын түйме қадалады екен. "Алтын күйме жарасар түймесімен, Наздана алмас сұлу қыз сүймесімен",- дейді ғой халық әнінде. Осынша нәрсе қыз баланы қадірлейтін елде ғана болады...
Мен әлем халықтарының ежелгі мұраларынан ептеп хабардар адаммын. Бірде-бір елде қызын алтын мұнараға шығарып, елдегі бар жігіттерді сыннан өткізіп, қызының өзіне жар таңдатқаны туралы аңыз, жыр жоқ. Бізде, қазақта бар. "Қамбар батыр" жырын оқы, Динажан. Сол жырда Әзімбай бай (кейде хан деп айтылады) алты ұлдың ішіндегі жалғыз қызы Назымды өз теңіне, өз қалағанына беремін деп жар салып, қызы қарап тұру үшін алтын мұнара салдырып, соған шығарады, дәмелі жігіттер тұлпарларымен қыз алдынан өтеді. Бұл аңыз дейтін шығарсың, сол аңыздың белгілі шындықтан шығатынын ғылым дәлелдеген. Елде жоқ нәрсені ешкім ойдан шығара алмайды.
