Ukrayna ordusu bildirir ki, son bir gündə Xarkov və şərqi Donetsk vilayətlərində 20-dən çox kənd azad olunub.
Ukrayna Silahlı Qüvvələrinin Baş komandanı Valeri Zalujni sentyabrın 11-də deyib ki, ayın əvvəlində əkshücum başlanandan 3 min kvadrat kilometrdən çox ərazi azad edilib. O, Ukrayna qüvvələrinin Rusiya sərhədinin 50 km-də olduğunu açıqlayıb.
Sentyabrın 10-da Ukrayna ordusunun Xarkov istiqamətində üç şəhəri azad etdiyi barədə məlumatlar yaymışdı.
Rusiya da bildirmişdi ki, İzyum və digər ərazilərdən qüvvələr Donetskdə möhkəmlənmək üçün geri çəkilib.
Moskva ilin əvvəlində Kiyev ətrafından çəkilməsini də bu cür izah etmişdi.
Bu arada Kreml Kiyevlə danışıqlara açıq olduğunu bildirib.
“Rusiya Ukrayna ilə danışıqlardan imtina etmir, ancaq proses uzandıqca razılaşma əldə etmək də çətinləşir”, – Xarici işlər naziri Sergey Lavrov sentyabrın 11-də dövlət televiziyasına deyib.
Volodymir Zelenski isə İnstagram hesabında rusiyaya müraciət edib.
“Siz hələ də "bir xalq" olduğumuzu düşünürsünüz?
Hələ də düşünürsüz ki, bizi qorxuda bilərsiz, sındıra bilərsiz, güzəştə məcbur edə bilərsiz?
Həqiqətən heç nə başa düşmədiz?
Kim olduğumuzu başa düşmürsüz? Nə üçün vuruşuruq, nə demək istəyirik?
Dodaqlarımızdan oxuyun:
Qazsız yoxsa sizsiz? Sizsiz
İşıqsız yoxsa sizsiz? Sizsiz
Susuz yoxsa sizsiz? Sizsiz
Yeməksiz yoxsa sizsiz? Sizsiz
Soyuq, aclıq, qaranlıq və susuzluq bizim üçün sizin “dostluq və qardaşlığınız” qədər qorxulu və ölümcül deyil.
Bundan başqa Rusiyanın Ukraynada tutduğu ərazilərin Moskvaya ilhaqı üzrə “referendumları” təxirə salması xəbərləri də yayılır.
