Qələm və pozan
Bir gün qələm pozana üzünü tutub belə deyir:
Məni bağışla!
Nə üçün? - deyə cavab verir.
Qələm:
Çünki sən hər zaman mənə görə əziyyət çəkirsən. Mən nə zaman və harada bir xəta etsəm, sən hər zaman onu silib təmizləyirsən. Mənim xətalarımı hər dəfə təmizləyəndə isə sən özündən bir hissə itirir və yavaş-yavaş kiçilirsən.
Bundan sonra pozan cavab verir:
Dediklərin doğrudur, ancaq mən bunun haqqında heç düşünmürəm. Sən görürsən ki, mən bunu sevə-sevə edirəm. Sən hər hansı bir xətanı etdiyində hər zaman sənə kömək etməyə çalışıram. Hətta bir gün yox olacağımı bilsəm belə, mən gördüyüm işə görə çox xoşbəxtəm. Səndən də xahişim odur ki, buna görə sən narahat olmayasan. Çünki əgər mən səni kədərli görsəm, xoşbəxt ola bilməyəcəm.
Bizlər də hər zaman xəta edən qələm, valideynlərimiz isə o xətaları silən pozan kimidir. Çünki valideynlər də hər zaman övladlarının yanlışlarını düzəldər və onları təmizləməyə çalışırlar. Bəzən onlar bu yolda çox incidilir və zamanla onlar da canlarından can itirib bizlərdən ayrılırlar. Bizim vəzifəmiz isə onlara qayğı göstərmək, mərhəmətli davranmaq və qəlbimizdəki sevgini onlardan əsirgəməməkdir.
Yadda saxlayın:
Ana və atanızın qədrini bilin! Bir gün yanağını deyil, torpağını öpəcəksiniz.
![](https://i.ytimg.com/vi/ShuwDIod9x0/maxresdefault.jpg)