Қазір аграрлық ғылым ақсап қалды. Соның әсерінен ішкі жалпы өнім көлемі де азайып, ғылымға бөлінетін қаржы да кеміген.

Тың технологиялар шаруаларға қолжетімді болу керек. Сондықтан ғылым мен білімге негізделген аграрлық өндірісті дамыту мәселесі бойынша жұмыстар қолға алынды. Бұл инновациялық технологиялар енгізумен айналысатын тауар өндіруші шаруашылық санын 10 пайыздан 25 пайызға дейін арттыруға көмектеседі.

Бүгінгі таңда қазақстандық ғалымдардың аграрлық саладағы еңбектері өз жемісін де беруде. Мысалы, өсімдік шаруашылығында бидай, мақта мен күріштің ерекше түрі инновациялық жолмен алынып, ауа райына бейімделген өсімдік дақылдары енді қай жағдайда болсын өнімділігін жоғалтпайды.

Асқар Наметов, Ұлттық аграрлық ғылыми-білім беру орталығының басқарма төрағасы

-Өнімді тек қана шығару емес, оны өңдеудің де мәселесі бізде көптеген жағдайда орындалмай жатқаны анық. Біз оны шығарамыз, экспортқа жібереміз. Ал енді біз оны өңдейтін болсақ, оның өнімділігі мен тиімділігі жоғары болатыны анық. Қазір осы мәселе инновация ретінде енгізіліп жатыр.

свернуть