Ռևմատոիդ արթրիտը արթրիտի երկրորդ ամենատարածված տեսակն է: Առավել հաճախ ախտահարվում են դաստակների, ձեռքերի, ծնկների, սրունքների և ոտնաթաթերի հոդերը: Ռևմատոիդ արթրիտի ժամանակ հոդերի ախտահարումը սովորաբար սիմետրիկ բնույթ է կրում: Կարող է նկատվել նաև այլ օրգանների ախտահարում՝ աչքերի, մաշկի, սրտի, թոքերի, երիկամների, նյարդային համակարգի և աղեստամոքսային տրակտի:
Ընդհանուր ախտանիշները՝
• Տենդ
• Թուլություն
• Հոգնածություն
• Ախորժակի կորուստ
• Թմրածություն
Ցավի ախտանիշները՝
• Հիվանդության սկզբնական փուլում ցավը թույլ է կամ չափավոր, տեղայնացված է մատների ֆալանգների հոդերի շրջանում,
• Ցավը անկայուն բնույթ ունի: Հիվանդության սկզբնական փուլում կարող են նկատվել ցավային համախտանիշի բացակայության հաճախակի կրկնվող ժամանակահատվածներ,
• Առավոտյան նկատվում է հոդերի առավել ուժեղ ցավ և կարկամվածություն,
• Հիվանդը հաճախակի գանգատվում է հոդերի այտուցներից:
Ռևմատոիդ արթրիտը հանդիսանում է աուտոիմուն հիվանդություն: Դա նշանակում է, որ մարդու իմունային համակարգը պայքարում է իր սեփական հյուսվածքների դեմ: Իմունային համակարգի արյան սպիտակ բջիջները շարժվում են դեպի հոդեր: Նրանք ազատ են արձակում քիմիական նյութեր՝ ցիտոկիններ, որոնք վնասում են սինովիալ թաղանթը, որոնք էլ իրենց հերթին արտադրում են քայքայող նյութեր: Դրանք նպաստում են արյունատար անոթների ներաճմանը սինովիալ թաղանթ, որը հանգեցնում է նրա հաստացմանը և կոչվում է պաննուս: Ժամանակի ընթացքում, երբ պաննուսը աճում է, վնասում է հոդի աճառային մակերեսը, իսկ հետագայում նաև ոսկորը: Բորբոքումը առաջացնում է հեղուկի կուտակում հոդի մեջ, ինչը նրան այտուցված տեսք է տալիս: Վերջ ի վերջո, համապատասխան բուժման բացակայության պարագայում հոդայն ճեղքը նեղանում է և առաջանում է հոդի անկիլոզ: Տեղի է ունենում հոդի սերտաճում, որը հանգեցնում է հոդի շարժունակության կորստի:
Հետազոտություններ և լաբորատոր թեստեր ՝
• Ռենտգեն հետազոտություն
• ՄՌՏ և համակարգչային տոմոգրաֆիա
• Ուլտրաձայնային հետազոտություն
• Արյան հետազոտություն
• Մեզի անալիզներ
Կոնսերվատիվ բուժում՝
• Ջերմային թերապիա,
• Կրիոթերապիակամ թերապիա ցածր ջերմաստիճաններով:
Դեղորայքային թերապիա՝
• Ոչ ստերոիդ հակաբորբոքային դեղամիջոցներ,
• Պրեդնիզալոն, կորտիկոստերոիդներ,
• Մկանային ռելակսանտներ,
• Օժանդակող դեղորայքներ
• Բազիսային հակաբորբոքային դեղամիջոցներ
• Իմունային դեպրեսանտներ,
• Ուռուցքի նեկրոզի ալֆա գործոնի արգելակիչներ:
Ծանր ախտահարման դեպքում, երբ իրականացված բուժական գործողությունները չեն հանգեցնում անհրաժեշտ արդյունքի, խորհուրդ է տրվում վիրահատական բուժում: Օրինակ՝ հոդի փոխարինում, որը հայտնի է որպես հոդի պլաստիկա: Այն հոդերում, որտեղ բարդ է իրկանացնել փոխարինումը, իրականացվում է արթրոդեզ, որի ժամանակ հոդի ոսկորները` ոսկրային պրոթեզի միջոցով ֆիքսվում են իրար: Կարդալ ավելին......
[ Ссылка ]
![](https://s2.save4k.ru/pic/SxDU3Shr9J0/mqdefault.jpg)