Чироқчи тумани Кўкдала ҳудудида уддабурон тарвузчи деҳқонлар томонидан Республикада биринчи бўлиб, "Style" номли уруғсиз тарвуз етиштирилди! Мазкур уруғсиз тарвуз тез орада Россияга экспорт қилинади.
Ушбу уруғсиз тарвузлар Улуғбек ҳожи Жуманазаров томонидан Чироқчининг унумдор лалмикор ерларида етиштирилди.
– Инсон бахт ва бойликни ўз юртидан излаши керак, агар Оллоҳ туҳфа этган иқтидорини ишга солса, ҳаёти фаровонлашиб, рўзғорига барака киради, – дейди чироқчилик тадбиркор Улуғбек Жуманазаров.
– Ишбилармон одам доимо янгиликларга қўл уришдан чўчимаслиги керак. Ўзимдан қиёс, ака, керак бўлса ҳамма нарсага вақт топаман. Китоб ўқийман, телевизор кўраман, мамлакат ва дунёда содир бўлаётган янгилик-ўзгаришлардан хабардор бўлишга интиламан. Давлат томонидан шунча имконият, имтиёзлар яратиб бериляпти бизларга. Шундаям турли хил баҳона-важлар қидирсак, ношукурлик бўлади.
