«Հայաստանի կարմիր գինին»․ խոսք՝ Աշոտ Գրաշիի, երաժշտություն՝ Արամ Խաչատրյանի։ Երգում է Պավել Լիսիցյանը։ Դաշնամուրով նվագակցում է Մարո Աճեմյանը։
Վինիլային սկավառակից վերցված ձայնագրությունը ենթարկվել է որոշ մշակման՝ նախքան «Այգաբեր» ալիքում տեղադրվելը։
Երգի խոսքերը՝

Գովենք ընկեր, ուրախ սազով,
Հայաստանի կարմիր գինին,
Խմենք ընկեր, ոսկե թասով,
Հայաստանի կարմիր գինին։

կրկներգ․
Աղբյուրի պես վարար լինի
Հայաստանի կարմիր գինին,
Ով որ խմի, անուշ լինի
Հայաստանի կարմիր գինին։

Սարեր, ձորեր մենք զարդարենք
Կանաչ-կարմիր այգիներով,
Կարասները լիքը լցնենք
Հայաստանի կարմիր գինով։

կրկներգ.
Աղբյուրի պես վարար լինի
Հայաստանի կարմիր գինին,
Ով որ խմի, անուշ լինի
Հայաստանի կարմիր գինին։

Թող երգի պես միշտ կարկաչի
Հայրենիքի ճոխ սեղանին,
Թող վառ շրթով մեզ հյուր կանչի
Հայաստանի կարմիր գինին։

կրկներգ.
Աղբյուրի պես վարար լինի
Հայաստանի կարմիր գինին,
Ով որ խմի, անուշ լինի
Հայաստանի կարմիր գինին։

свернуть