Sa episode na ito, paguusapan naman natin ang 2nd step bago magsimulang mag-invest, ang ukol sa Emergency Fund. Ito and second step na ating gagawin bago tayo magsimulang mag invest. Ano po ba itong emergency fund? This is just cash on hand. Para saan itong cash on hand na ito? Ito para sa mga emergencies, kaya ang tawag sa kaniya ay emergency fund.
Ano-anu ang ba ang mga emergencies? Ito yung mga bagay na hindi inaasahan at hindi maiiwasan. Halimbawa, Accident, Natural disasters – bagyo, sunog, lindol, pagkakasakit, nagsara ang inyong kompaniya at nawalan ka ng trabaho, at mga kauri nito.
Ang mga emergencies na ito, depende sa laki at lawak ng damage ay maaring magdudulot sa atin ng financial damage kung hindi napaghahandaan. Mawawalan ng kabuluhan ang ating pag-iipon o pagiinvest kung hindi mapaghandaan ang mga emergencies. Emergencies can wipe out your savings or investments.
May dalawang paraan para mapaghandaan natin ang mga emergencies at ma minimize ang kanilang impact sa ating finances kung sakaling ito ay mangyari.
1. Una sa pamamagitan ng Insurance at
2. Pangalawa sa pamamagitan ng Emergency Fund
Imagine for example, lahat ng pera mo ay nasa ibat ibang uri ng investments, stocks, bonds, real estate, mutual funds. Then suddenly, mayroon emergency at kailangan mo ng pera. Kung wala kang emergency fund, maaaring magagalaw mo ang iyong investments.
Ang tanong gaano ba kalaki ang emergency fund na dapat buuin? Ang simpleng sagot po ay depende po sa inyong financial situation. Narito na po ang step-by-step paano buuin ang inyong emergency funds.
Step 1. Alamin ang inyong living expenses every month. Ito ang inyong gastos sa pagbabayad ng utang, groceries, electricity, transportation expenses, at iba pa.
Step 2. I multiply ang inyong living expenses depende sa kung ilang buwan ang kailangang buuin. Ang number of months ay depende sa kung gaano ka stable ang inyong source of income – mapa negosyo man yan o mapa sahod. Narito po ang guideline sa inyong multiplier depende sa stability ng inyong source of income:
Stable income – multiplier ay 3 months. Ito ang mga uri ng hanapbuhay na stable at hindi basta bastang nag li-layoff o napapalitan. Halimbawa, mga tenured university professors o di kaya mga permanent employees sa mga government or private offices.
Unstable income – multiplier ay 12 months. Ito naman ang mga uri ng hanapbuhay na hindi permanent. For example mga contractual employees at mga pa iba-iba ang trabaho. O di kaya namamasukan sa mga private companies na hindi stable at common ang mga tinatawag na lay-offs. Kabilang din sa mga unstable ang income yung mga self-employed.
Others – multiplier ay 6 months. Para sa karamihan ang multiplier na 6 months ay sapat.
Kuha tayo ng halimbawa. Halimbawa ang total living expenses ng ating pamilya ay nasa P50,000 in 1 month – that’s step 1. Sa step 2, I multiply natin ang P50,000/month sa number of months ng emergency fund na ating iipunin. Para sa karamihan ang multiplier ay 6 months. Kaya P50,000 x 6 = P300,000. Ito ang total amount na kailangan nating bubuuin.
Saan natin ilalagay ang ating emergency funds? Typically nakalagay ang emergency fund sa isang account na safe and liquid. Mas maganda, sa isang bank savings account na anytime 24/7 ay maaari mong I withdraw. Huwag na huwag ilagay ang emergency fund sa investments – stocks or bonds. Ang iba ay nilalagay sa money market fund. Para sa akin, hindi ko po ito gagawin. A high yield interest savings account sa isang bangko ay sufficiente para sa akin.
