Regjimi i rreptë dhe nën kushte maksimale sigurie në burgjet shqiptare, i quajtur 41 bis, u krijua vetëm 2 vite më parë në Shqipëri, duke ndjekur me përpikmëri modelin italian të izolimit të veçantë. Qelitë e këtij regjimi synojnë të izolojnë totalisht dhe të presin fijet e kontakteve të emrave të mëdhenj të botës së krimit, që përpiqen të drejtojnë aktivitet kriminal edhe nga dhomat e qelive.
Ligji Ndëshkimor 41 bis përcakton fare qartë se i burgosuri duhet të monitorohet nga policia e burgut 24 orë në ditë, ndërsa kontaktet me rojet e burgut reduktohen në minimumin e mundshëm. Takimet dhe bisedat me anëtarët e familjes, avokatët dhe çdo kontakt tjetër me pjesën e jashtme janë gjithashtu jashtëzakonisht të kufizuara.
Megjithatë, ndër 28 urdhër arrestet e firmosura pas megaoperacionit të koduar “Trinom” në Elbasan, bie në sy edhe emri i Aleksandër Llanaj, autorit të masakrës së 7 prillit, ku një debat mes të rinjve në një kazino të qytetit bregdetar agravoi deri në ekzekutimin e trefishtë nga dora e Llanajt. Ky i fundit u dënua të vuante dënimin në qelitë e regjimit 41 bis.
Edhe pse në izolim total, Llanaj kishte kontakt të vazhdueshëm jo vetëm me persona jashtë burgut, por edhe me shefat dhe efektivët e policisë, të cilët duke u bërë palë me krimin, lejonin e madje edhe ndërmjetësonin kalimin e drogës dhe sendeve të tjera të palejuara jo vetëm në regjimin 41 bis, por edhe në të gjitha burgjet e vendit.
Dy vite pas implementimit të modelit italian, urdhër ndalimi i Llanajt krijon dyshime përsa i përket efikasitetit që ka ky regjim në të burgosurit shqiptarë, duke bërë që të ketë shumë diskutime nëse ka dështuar, apo po funksionon normalisht aplikimi i këtij regjimi, që vjen si model nga vendi përtej Adriatikut.
Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar.
Për më shumë vizitoni: [ Ссылка ]
Subscribe to "Top Channel" on YouTube Channel for NEWS and TV
Shows HERE: [ Ссылка ]
For more content from click HERE: www.top-channel.tv
Like Top Channel on Facebook HERE: [ Ссылка ]
Follow Top Channel on Instagram HERE: [ Ссылка ]
Follow Top Channel on Twitter HERE: [ Ссылка ]
#Trinomi#AleksandërLlanaj#TopChannel
![](https://s2.save4k.ru/pic/TAcDclsmOkw/maxresdefault.jpg)