Komandanti i ri i forcave ruse në Ukrainë ka pranuar se forcat e tij po përballen me vështirësi në terren. “Situata në zonën e ‘operacionit të posaçëm ushtarak’ mund të përshkruhet si e tensionuar”, tha gjenerali Sergei Surovikin për televizionin shtetëror rus, Rossiya 24, gjatë një interviste. “Armiku vazhdimisht përpiqet të sulmojë pozicionet e forcave ruse, duke përdorur edhe sistemet HIMARS”, tha ai. “Para së gjithash, bëhet fjalë për sektorët në Kupiansk, Liman dhe Mikolajiv-Krivij”, shtoi ai. Surovikin po ashtu tha se ushtria ruse po evakuon civilët nga qyteti jugor ukrainas i Hersonit, që është pushtuar nga Moska dhe gjendet në një prej katër rajoneve që Rusia paligjshëm aneksoi tri javë më parë.
“Ushtria ruse do të ofrojë evakuim të sigurt të banorëve” të Hersonit, tha Surovikin gjatë intervistës, ndërsa e përshkroi situatën si “shumë të vështirë”.
Më 8 tetor, Ministria e Mbrojtjes së Rusisë e emëroi Surovikinin si komandant të përgjithshëm të forcave të Kremlinit që marrin pjesë në luftën në Ukrainë. Kjo është hera e parë që Rusia emëron një komandant të vetëm për të gjitha forcat ruse që luftojnë në Ukrainë, që kur Moska nisi pushtimin e Ukrainës më 24 shkurt.
Pohimi i rrallë i tij, i problemeve të mëdha, sidoqoftë, është mbështetur edhe nga një zyrtar i lartë lokal. Administratori rajonal i emëruar nga Rusia, Kirill Stremousov, paralajmëroi banorët e Hersonit se në një të ardhme shumë të afërt trupat ukrainase do të sulmojnë qytetin. “JU lutem merrini fjalët e mia shumë seriozisht. Unë po flas për evakuim sa më të shpejtë që të jetë e mundur” tha ai në shërbimin e mesazheve Telegram. Ai shtoi se njerëzit në bregun perëndimor të lumit Dnipro, janë më të rrezikuar.
Pamje:AFP
Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar.
Për më shumë vizitoni: [ Ссылка ]
Subscribe to "Top Channel" on YouTube Channel for NEWS and TV
Shows HERE: [ Ссылка ]
For more content from click HERE: www.top-channel.tv
Like Top Channel on Facebook HERE: [ Ссылка ]
Follow Top Channel on Instagram HERE: [ Ссылка ]
Follow Top Channel on Twitter HERE: [ Ссылка ]
#TopNews#Situata#Lufta
![](https://s2.save4k.ru/pic/TEg2Woywpmg/maxresdefault.jpg)