Mënyra e të jetuarit sipas mjekëve ka rritur moshën mesatare të shfaqjes së menopauzës te gratë.
Rreth të 48 apo 50 vjeç sipas kirurgut onkolog gjinekolog në Spitalin Hygeia në Tiranë Nikita Manoku femrat nisin përjetimin e disa shqetësimeve.
“Gratë mund të ankohen për afshe, për dhimbje kockore për fenomene të tharjes së lëkurës, mund të ankohen për ndryshime të organeve gjenitale, për ndryshime dhe shqetësime gjatë urinimit. Të gjithë këto shenja kanë të bëjnë me rënien e prodhimit të hormoneve vezoriale te gruaja”, është shprehur mjeku.
Profesor doktor Nikita Manoku sugjeron konsultat me mjekun gjinekolog.
“Shpesh herë duke pasur shenja të ndryshme gratë u drejtohen mjekëve të ndryshëm për të gjetur zgjidhje në varësi të shqetësimit dhe në këtë rast mjeku bën mjekimin e asaj problematike dhe nuk korigjon në tërësi problemin që ka menopauza. Në këtë mënyrë ne nuk mundemi dot që të shpëtojmë një grua nga problemet që ka nëse do të mjekojmë në mënyrë sporadike një problem që ka. Është e rëndësishme vizita te gjinekologu”, ka thënë Manoku.
Me trajtimin e duhur specialistët thonë se shqetësimet mund të marrin zgjidhje dhe gratë mund të vijojnë përditshmërinë pa cënuar cilësinë e jetës. /abcnews.al
Per informacionet me te fundit klikoni:
Web: [ Ссылка ]
Facebook: [ Ссылка ]
Instagram: [ Ссылка ]
Subscribe kanalin tone ne: youtube:[ Ссылка ]
#abcnews #abcnewsalbania
