#pagjurme #odetadume #reportTV Emisionin "Pa gjurmë" me moderatore Odeta Dume mund ta ndiqni nga e hëna në të premte në orën 16:00 në ekranin e Report Tv Brisilda Nexhipi është 22-vjeçarja nga Tirana e cila prej datës 21 nëntor 2022, kur realizoi komunikimin e fundit me nënën e saj, ka humbur kontaktet me familjen dhe të afërmit nga qyteti i Milanos. Në bisedën që zhvilloi atë ditë Brisilda dukej e shqetësuar ndërsa nënës i ka kërkuar nëse kishte në gjendje ndonjë fotokopje të dokumenteve personale të saj. Kjo kërkesë e ka vënë në dyshime nënën, pasi Brisilda e kishte me vete edhe pasaportën edhe kartën e identitetit. Ajo dyshon se dikush ia mban peng të bijën, që ajo të mos ketë mundësi të udhëtojë. Brisilda prej vitesh bënte një jetë mes Italisë dhe Francës. Së fundmi ishte zhvendosur nga Dioni në Milano. Udhëtimin e saj të fundit, 22-vjeçarja e bëri në fund të tetorit pas një konflikti me nënën, ndërsa shprehej vazhdimisht se i pëlqente të jetonte me shoqërinë e saj në Milano. Në dijeninën e prindërve ajo jetonte me një shoqe dhe punonte në një restorant, por familja ka dyshime për jetën e fshehtë të Brisildës, ndërsa janë të shqetësuar për fatin e saj. Prej 1 viti e reja kishte shfaqur probleme ankthi dhe depresioni, deri aty sa arrinte të dëmtonte edhe veten. Vizitat kanë qenë të shpeshta, por Brisilda nuk merrte mjekim pasi i pëlqente të bënte një jetë të pavarur, larg kontrollit prindëror. Me familjen asnjëherë nuk hapej dhe ata kurrë nuk mësuan për problemet apo shqetësimet e vajzës, por sjelljet e saj ishin mëse të dukshme: Brisilda ishte në rrezik…
Kanë kaluar afro 4 muaj dhe nuk ka asnjë gjurmë të Brisildës, edhe pse familjarët kanë bërë denoncim në policinë e dy shteteve asaj franceze dhe italiane. Pak para se të largohej, një dorë e brishtë u zgjat pas për ta ndaluar, ishte djali i saj 5-vjeçar. Por as ai nuk mundi dot ta ndalte nënën e tij, e cila ende edhe sott rezulton e humbur.

свернуть