Էդուարդ Զորիկյանի "Ուր է ձյունը հին օրերի" երգը ներկայացնում ենք սլայդ-շոուի տեսքով:Երգը կատարել է հեղինակը իր հիսունամյա հոբելյանին նվիրված համերգի ընթացքում` սա հանրահայտ երգի համերգային ձայնագրությունն է : Համերգի ընթացքում Էդուարդ Զորիկյանին նվագակցել է Վահան Արծրունին, հաղորդելով երգին առանձնահատուկ հմայք և յուրահատուկ հնչեղություն : Այս երգի ստուդիական ձայնագրությունը զետեղված է Էդուարդ Զորիկյանի 1991 թ-ի երգերի "Բանտված անուրջներ" ձայներիզում : Երգի հիմքում Ֆրանսիական մինջադարյան պոեզիայի լավագույն ներկայացուցիչ` Ֆրանսուա Վիյոնի բալադն է : Էդուարդ Զորիկյանի 50-ամյա հոբելյանական համերգին մասնակցում էին նաև նրա ընկերները` Հայաստանի լավագույն հեղինակ-կատարողները /բարդերը/ ` Ռուբեն Հախվերդյանը, Քրիստ Մանարյանը, Արմինե Հայրապետյանը, Դավիթ Ամալյանը, Սարգիս Շիբոյանը, Վախթանգ Հարությունյանը, Կարեն Մամիկոնյանը, Գագիկ Շիբոյանը, Ֆորշը, Աշոտ Գասպարյանը, Արթուր Ավետիսյանը, հեղինակի որդին` մնջախաղաց Հայկ Զորիկյանը և մնջախաղաց Համլետ Չոբանյանը , բազմաթիվ հյուրեր` հանրահայտ մարդիկ: Համերգի տևողությունը հինգ ժամ էր : Մասնակիցները կատարում էին ինչպես Էդուարդ Զորիկյանի երգերը այնպես էլ իրենց ստեղծագործությունները: Համերգի ավարտին, նույնիսկ հինգ ժամ անց, հանդիսատեսը չէր հեռանում դահլիճից : Ծափողջույնների տարափի ներքո հանդիսատեսը ստիպեց Էդուարդ Զորիկյանին երեք անգամ կատարել համերգի վերջերգը` "Հուսո առագաստ"-ը : Դա բացառիկ համերգ էր և մենք ձեր ուշադրությանն ենք ներկայացնում հատված համերգից` "Ուր է ձյունը հին օրերի" երգը : Բարի դիտում և ունկնդրում : [ Ссылка ]

свернуть