Müəllif: Əliağa Vahid
Şeir: Gözəlim (qəzəl)
İfa: Güldiyar Zülfüqar
Balabanda: Əlixan Səmədov "Sən gəlməz oldun"
--------------------------------------
Şeir və ya qəzəlinizi səsləndirməyimizi istəyirsinizsə,bu ünvana bir şəkiliniz və yazdığınız şeiri göndərin:
saningonderdiyin@gmail.com
dj-admin@radio-face.com
_____________________________
Bir gün,gözəlim,qəbrimin üstən ötüşərsən,
Dərdindən ölən aşiqini başə düşərsən.
Etməz,mələk olsa,bu qədər naz ilə qəmzə,
İnsafa yaxınlaş,gözəlim,sən də bəşərsən.
Naz ilə gələrkən qədəmin qoy gözüm üstə,
Qoyma quru yer üstünə,birdən sürüşərsən.
Biganə ilə gəzmə dedim,qəlbinə dəydi,
Cana,nə bilim sən bu qədər dəymədüşərsən?!
Egyar yetir vəslinə,amma mənə dersən,
Sən düşmə bu xülyalara,umsunma,şişərsən.
Bir salmadın öz aşiqni yadına,zalim,
Eğyar ilə amma gedib hər gün öpüşərsən.
El çək,demə,ey dil,mənə zülfündən o mahın,
Bir gün bu kəməndə sən özün də ilişərsən.
Rəhm eyləmədin Vahidə,zalim,dirilikdə,
Öldükdə məzariylə gedərsən, görüşərsən.
![](https://i.ytimg.com/vi/TxUR2dOVI-Q/mqdefault.jpg)