بين عسرات الظروف وبين عزمٍ ما تفيا
خلص الساعي مساعيه الحميده مع طوافه
والزمان اللي تحداني وعاندني كذيااا
ليه ما قدر صغر سني واخذني في ضفافه
ودي اقول استلم رد البرا يا ابا الثريااااا
ما تعودنا على نيل المطالب بـ الضعافه
قمت ادور فرصتي يوم انها عيت تهيااا
واثر قانون الفرص ما يعرف حقوق الضيافه
واحتزمت وقمت احاربها تحت بند القضيا
لين خليت الفرص تبكي على فقدي حسافه
شاعرٍ ما كابد وكافح عقب شاف الجفيا
لا يدور واحدٍ غيره .. يساعد فـ اكتشافه
فيّ شي من الغرور ..و ممتلي راسي حميااا
واعرف انه ذنبي اللي صعب توب من اقترافه
واعتبر بيت القصيد اغلا من بيوت العلياا
ما بنيته غير بـ الابداع الاصلي والثقافه
واتشفق مدحة الطيب قبل لا انشد من ايا
والردي لوهو قريب احط من دونه مسافه
البعير نقدره في نجد والا مار بياااا
نبخص ارقبة البعير ونبخص ارقبة الزرافه
خل عاد اليا داعا اللي مهتوي مدحه بلياا
يستوي فيه القصيد ويعتبر للمدح اضافه
ياخو عبدالله نبي ننشدك يا طلق المحياااا
نشدةٍ والله مافيها لا فضول ولا لقاااافه
يا بدر نصف الشهر وش جابك الليله هنيا
والا يعني عادي البدر يتواضع في زفافه !
موقعك يا ابن وقع ما جاوره غير الثريااا
واسم جدانك يوشحك المفاخر والانافه
ياولد عودٍ ليا شاف العرب رحب وحياااااا
من كرمه يقول حياكم على قل الكلافه
عودٍ محنك ليا .. منك نخيته قال هيااا
ما لحق عزمه فتور ولا دخل قلبه مخافه
نمدحه والمدح والتقدير ما يوخذ كذيا
ليت ابن هندي لحق وقت المغازي والحيافه
كان سوا مثل اخو هملا .. ومثل ابن محيااا
الشيوخ اللي فعايلهم ماهي كذب وخرافه
والعبادل فزعة البل .. صدق مافيها كنياااااا
يوم كان الضرب حامي لا نظام ولا مرافه
ورعهم لا جو يبون القوم ناقه منه عيااا
ينتحر كنه يبي يوخذ منه عرش الخلافه ..!
عناد الشيباني
تصميم:
خالد الاحمري
Xj_qt
subscribe + Like
فعل الجرس 🔔
ليصلك كل جديد ✔️
للتواصل والاستفسارات :
الحسابات الرسمية لقناة خالد الاحمري :
official WhatsApp:
[ Ссылка ]
official Snapchat:
[ Ссылка ]
#لايك
جميع الحقوق محفوظة © على قناة ( خالد الاحمري )
Ещё видео!