Облыстық прокуратурада өткен Үйлестіру кеңесінде қылмыстық процесте кәсіпкерлік субъектілерінің, құқықтары мен мүдделерін қорғау саласындағы заңдылық мәселесі қаралды. Кәсіпкерлікті қорғау саласындағы қадағалауды күшейту – Мемлекет басшысының тікелей тапсырмасы. Бұл бағытта атқарылған жұмыс аз емес. Жыл басынан бері мобильді топ 43 сигналды өңдеп, оның 23-і өз дәлелін тапты. 16 қадағалау актісі енгізіліп, 9 тұлға жауапкершілікке тартылды, 29 заңсыз салық тексеруінің күші жойылды. Былтырдан бері бизнес өкілдерімен 47 кездесу және уәкілетті органдармен 2 фронт-офис өткізілді. 7 инвесторға қолдау көрсетілді. Бүгінде өңірде 577 млрд теңгеге 5 мыңнан астам жұмыс орнын құрумен 36 инвестициялық жоба жүзуге асырылуда. Тағы облыс прокурорлары заңсыз тексерулердің жолын кесу арқылы 13 кәсіпкерлік субъектісінің құқығын қорғады.
