Ապրիլի 29-ին Փարիզում Հայաստանի արտգործնախարար Էդվարդ Նալբանդյանը հանդիպելու է Մինսկի խմբի համանախագահների հետ: Նախարարն այդ մասին տեղեկացրել է այսօր Բելգիայի արտգործնախարարի հետ ասուլիսի ժամանակ: Արտգործնախարար Նալբանդյանն անդրադարձել է նաև Թուրքիայի քննադատությանը, որն ուղղված է հայոց ցեղասպանությունը դատապարտող երկրներին ու միջազգային կառույցներին: Անկարան ու քաղաքակիրթ աշխարհը տարբեր լեզուներով են խոսում,- ընդգծել է նախարարը: Էդվարդ Նալբանդյանը և Դիդիե Ռեյնդերսը խոսել են նաև հայ-բելգիական,Հայաստան-Եվրամիություն հարաբերությունների մասին՝Ռիգայում նախանշված Արևելյան գործընկերության գագաթաժողովի համատեքստում:
