Bible hi kan rel ko zongah fian khawh dih an si lo. Hohmanh nih kan fiang kho dih lo. Minung nih kan fian dih cikcek ti hi a um kho lo. Kan khen deuh lomi le kan zumhnak in kan chimmi zeimawzat cu an um ve hrimhrim. Bible sianginn saupi a kaimi zong nih fian le pemh dih ti hi a um kho hrimhrim lo. Asinain tam deuh a fiang, a tlangpi in a fiang dih mi le a pemhmi hi cu an rak um deuh hrimhrim. Mah cucu Thlarau laksawng pakhat zong a si. Cucaah a fiang mi nih an kan chimhmi hi Bible in tuktonh thiam a hau. Bible lehning a tam tuk caah zeidah a thiang, zeidah a ttha, zeidah a hmaan ti thleidan thiam zong hi a biapi taktak. Tutan ah kan fian bal lomi tampi fianhnak an kan ngeih caah fiannak tampi a kan pek lai tiah kan zumh. Bialettu hi Rev. Hoi Cung Tum le Rev. Thawng Dun an si. Talkshow a tuahtu le tuahnak hmun - Grace Baptist Chuch, Hakha
Rev. Hoi Cung Tum hi Grace Baptist Church, Hakha a dirka in Church Pastor a ttuanmi a si i, tu hi kum 13 hrawng a ttuan hnu ah Senior Pastor in aa dinh lio a si. A ttuan chungah Bawipa nih thluah a chuah hna i, member tampi an karh. Chin Baptist Convention, Hakha zong a dir i, Khrihfa bu tampi an i komh. An ngan ngaingai te lai tiah rak zumh mi an si. Seven Ones Private sianginn zong a tuah. Hlan deuh ah Bible sianginn zong a rak thok. Ramkip ah mirang holh in siseh, Lai holh in siseh Bawipa nih a ram caah a hman taktak mi Biblical Preacher a si. Bible sianginn a dihka in Christ For Every Creature Ministry a tuah. Bawipa nih Thlarau tlau tlaitu le Pathian Bia kilvengtu ah a hman ngaingai mi a si. Bawipa nih hmailei zong a hman lai tiah kan zumh. Bawipa nih a hman caah mi tampi nih Bible kan pemh i, piantharnak zong kan hmu. Tu hi Bible a leh lio a si. Kum 3-5 kar ahcun kan rel khawh cang lai tiah kan zumh. Tuhnu kum 5-10 ahcun International Speaker tiang in Bawipa nih a hman lai tiah kan zumh. A nupi cu Pi Tracy a si i, fanu pathum le fapa pahnih Bawipa nih thlua a chuah hna. A thawngtha ngaitu nih thla za cam piak zungzal hna usih.
Video Credit: Grace Baptist Church, Hakha
![](https://i.ytimg.com/vi/ULpPCKm-sWw/mqdefault.jpg)