«Իմ կապու՜յտ, կապու՜յտ երազ» բանաստեղծությունների ժողովածու
Հեղինակ` Սոսի Խանիկյան

~~~~~~~~~~~~~~~~~~~~~

Սիգար էր ծխում
Ու ինձ էր նայում,
Այնպե՜ս էր նայում,
Որ իմ աչքերում
Կրա՛կ էր վառում։

Հաճա՛խ էր լռում
Ու ցինիկ ժպտում,
Այնպե՛ս էր ժպտում,
Որ իմ փակ սրտում
Մրրիկ էր զարթնում։

Սպորտից էր խոսում,
Շատ-շա՛տ էր սիրում,
Տանջե՛լ էր սիրում
Ու ի՛նձ էր սիրում՝
Այդպե՜ս էր ասում։

Ասում էր, որ ինձ
Երբե՛ք չի թողնի,
Ի՛նչ էլ, որ լինի,
Ամե՛ն բան կանի,
Որ ինձ չկորցնի։

Ուժգին էր խանդում,
Հայացքով սպանում,
Պատժե՛լ էր սիրում,
Ինձ էր սիրում,
Այդպե՜ս էր խաբում։

свернуть