تابع الفنان ماجد خضير على جميع المنصات الاجتماعية و الموسيقية
[ Ссылка ]
ماجد خضير - غيبوبة الاسراف (حصرياً) | 2021
Majed Khudair - (Exclusive) | 2021
أهداء خاص الى : عيسى بن بريك الجبيل
كلمات : مطلق الدغيلبي
أداء : ماجد خضير
تصميم : ناصر البقمي
الكلمات :
انا البارح على مهياف وهجوسي على مهياف
ولا دري وش نهايتها عسى الله يكتب الخيره
ادور مــن يغني لي وغنــت لي سيور الهاف
ولــو انـي انا والهــاف لا صحبـه ولا جيـره
ولكـــن المشاعـــر يحتظنها الخاطر الميلاف
قبـــل لا يبتدي ليـل القصيد يفـــك ازريـــره
امارس دور ابن خلدون فالفكره والاستكشاف
اعيد الهيكله وابني على سطـح القمــر ديــره
ركاكة بعض اساليب الروايه محتواها جاف
ماتعطــي حـل والاولــى تراها بنت الاخيــره
واذا مافيـه للواقع من اصحاب القـرار أنّصاف
معايير الحياه تصير في عــزله وفــي حيــره
حلمت اني على روس المشارف وارمي الاهداف
وابي من هو يوضح لي مداء حلمي وتفسيره
جذبني بارق الرفقه وجانـي للمديح اشعاف
وانا وسط السماء واسمع صداء لجة جماهيره
تبون العلـــم والا ماتبـــونه للذهب صـــراف
ومن غـيره ومن غيره ومن غيره ومن غيره
تجي عنده وتركع له من الهيبه حروف القاف
مطيرين جمــع شمــل الكمـال وعــاد تحريره
هذا عيسى بن بريك الجبيل مشتت الاحلاف
عليه العـــلم والجــزله يســـوق لها مظاهيره
اوريث المجد عم وجد في بحر الكـرم جداف
وعلــى ظفة فــرات المرجله ترسـي بوابيــره
مجالس قصره العامر تشيل امن الجموع الاف
توافــد له شيــوخ القـــــوم ويدبـل مخاسيــره
يرحـب بالطــراقي والذبايــح عنــدها السياف
مــذرع ويتلفت ( فالجبيــل ) وفـي مساييـره
طغى جـوده عليه وعاش في غيبوبة الاسراف
ولا يصحـــى بعــدها الا بتهليله !!!! وتكبيــره
نعــرفه والسنيـن سمـان ولا والسنيـن عجاف
سحـــابه يستبيــح القاع ويركـــد معاصيــره
مدامك في ذراه وتحت بشته ماعليك خلاف
عط الاحـزان تاشيرة خــروج وختـم تسفيـره
على متنه تبى ترجـع ثقال المعضلات خفاف
يحـــدرها ويسندها حصــان الماد وبعيــــره
تولع فـي هواء ذوده ولا له فالهواء محــراف
يفرشها طرف كبده وترعى الخير من خيره
مرابيعه على الحد العراقي واول المصياف
يقطف من زهر نبت الجنوب ومـن نواويره
مغاتيرن عليها من جلال الصافنات الحــاف
خبوت الارض تصبح من تحتها حبة شعيره
وساع نحور وجنوبً عريضه والرقاب اسخاف
تعلــوى فــوق كــن البيب بالعتــن مـواصيـره
تبجــح بالغــرور وفي طرفها حامي الاطراف
مطيــريً جمـع شمل الكمـال وعــاد تحــريره
-
لحفظ وحماية حقوقك انضم الى عائلة الفان
[ Ссылка ]
![](https://s2.save4k.ru/pic/UZkOHMqPHFE/maxresdefault.jpg)