Балбай Эшкожо уулу Ысык Көлдө 1813-жылдары мергенчинин үй-бүлөсүндө төрөлүп, бала кезинен чыйрак өскөн. Бойго жеткенде кыргыздын жылкысын айдай качкандардын, туш-туштан тооругандардын сазайын берген. Калк арасында кадыр-барк топтогон жигитти Ормон хан көрө албай орго салдырып, мазактап кулагын кестирген. Бугу уруусунун камчыга сап уулу XIX кылымдын соңунда сырттан келген казак, кытай, орус, кокон бийлигине сес көрсөткөн. Кийин Россия падышачылыгынын кыргыз жеринде жүргүзгөн саясатына ичи чыкпай Балбай Текеске көчүп кеткен. Ал жактан орус аскерлер аны колго түшүрүп Верныйдагы түрмөгө каматып биротоло тынчыткан.
Кыргыздын эркиндиги үчүн күрөшкөн Балбай баатыр бөтөн жерде 54 жашында каза болгон. Бир жылдан кийин ата мекенине эти шылынган сөөгү алып келинип жерге берилген.
![](https://s2.save4k.ru/pic/UbDm1hrwwLc/maxresdefault.jpg)