Amah leh amah akisihbawl sawmpa Billionaire piang hiau mawk - na lung akiat ciang hihthu phawk zel in
Na lungkia in piang thei nawn kei in teh na cih laitak in KFC neipa phawk in
-------------------------
Kum 5 a phakin a pa in sihsan hi.
Kum 16 a phakin sang khawl kha hi.
Kum 17 a phakin a nasepna mun 4 pan ki khawlsak hi.
Kum 18 a phakin zi neihi.
Kum 18 - 22 kikalin meileng lamlak sem in a nasepna pan ki khawlsak sawnsawn hi.
Thukhen ( law ) sang siau in ki sang lo hi.
Company ah sem in nasep kikhawlsak leuleu hi.
Kum 19 a phakin pa khat hong suak hi.
Kum 20 a phakin a zi in nusia in a tanu tawh taisan sawnsawn hi.
Coffee sai a neukhatah kuangsil leh mehkang nasep ngah sam hi.
A zi tawh a kikhensung a tanu guksawm in ngah zolo sawnsawn hi.
Hihdanteng tawh a zi zol kik in a zi ngah kik sam hi.
Galkap sung ah lut in a nuntakna gimkisa in hamsa sa mahmah hi.
Kum 65 a phakin pensen lain a pensen lak a nimasa ni in kumpi in $105 pia hi.
Hih sum te a et ciang in lungkia thanem mahmah hi. Hih pa amah leh amah na leng nungtazolo ci in kumpi in hong mu zawzen ci in thanem mahmah hi.
Amah a tawntung in guallel pa khatin kimu hi, a nuntakna mannei sanawnlo in amah leh amah kisihbawl ding sawm hi.
Singkung nuai khat ah a kisihbawlna a hang lai atdingin hong kipan hi. Tua laitak in thukhat hong ngaih sun in kei bang gualzawhna nei kei bang sem thei ka hi hiam cih hong ngaihsun kha hi.
A nuntakna buppi guallelhna tawh a kidim lam mukha hi. A hizongin a thahatna a hihtheih khat hong ngaih sun kha khelkhel hi.
Tua in bang hiam cih leh meh koi dan a kang lehang lim cih a hihi.
Tua bang teng tawh sum $ 87 leitawi in aksa leh a lakah kikhah ding te leiin bawl in kang hi, a aksa kan Kentucky a vengtengah inn khat khit inn khat zuak kawikawi hi.
Hih teng ah ih gennopthu in kum 65 a phakin a kisihbawlsawmngei pa khat cih a hihi.
Ahizongin KFC ( Kentucky Fried Chicken ) cih aksa kan lim mahmah leitungbup ah minthang vangvang hong phuan khia pa a hih leh kumcingkhin pensen lasa khat na hi in a min Senders a hihi. Ama kum 88 a phakciang in Billionaire mihau mahmah khat hong piang ziau hi.
Tu in ih sintheihding thu te a hih leh:
1. Na lunglut nasep khat na kipatkhiatding pen zekailua cih om ngei lo hi.
2. A thupi khat in bang hiam cih leh nangaih sutna ahihi. Bangzahtakin haksatna phulkha mah leteh lungkialoding thanem lo ding cih a hihi.
3. Na gualzawh theihna dingin mitawh na kibatpih loh naseptheih khat teitei om ding hi, hangsan takin semkhia in.
4. Ih mailam a ding in ih lunglut khat ihsepna dingin kum tamlua zekailua cih omngeilo hi.
Lungdam
Tedim Times Editorial ( translation)
![](https://i.ytimg.com/vi/UdRII7cLK8w/maxresdefault.jpg)