«Դու օրորա, դու շորորա» երգն է՝ «Անի» անսամբլի կատարմամբ։ Խոսք՝ Արամայիս Սահակյանի, երաժշտություն՝ Գևորգ Մանասյանի: Մշակումը՝ Վարսենիկ Բայանի, գործիքավորումը՝ Գրիգորի Խաթլամաջյանի: Մենակատարներ՝ Արինա Բաբիյան և Սարգիս Հակոբյան: Տեսագրությունը վերցված է 2023 թվականի ամանորյա համերգից։
Այս համույթը ստեղծվել և գործում է Ռուսաստանի Դաշնության Ռոստովի (Նոր Նախիջևանի) շրջանի Չալտիր գյուղում: Հայկական համայնքը Նոր Նախիջևանում և շրջակա գյուղերում է հաստատվել Ղրիմից, որտեղ նրա նախնիները գաղթել էին Անիից՝ միջնադարյան չքնաղ քաղաքամայրի կործանումից հետո:
Երգի խոսքերը՝
աղջիկ․
Նախշուն ․․․ դրել ես,
Կրակներդ շարել ես,
Գդակդ ծուռ դրել ես,
Շեկ տղա։
Կարմիր գինին թասումը,
Ես էլ քո հավասումը,
Խաղ ասող անուշ տղա,
Ջան, տղա։
տղա․
Սիրուն աղջիկ, քո սերի
Թող կրակը ինձ էրի,
Սրտիս ջուր լից՝ հովանամ,
Ջան աղջիկ։
Կարմիր գինին թասումը,
Դուն էլ իմ հավասումը,
Ասա, որ քեզ սիրում եմ,
Ջան, աղջիկ։
երկուսով․
Ամպել ա, ձյուն չի գա,
Մթնել ա, տուն չի գա,
Դու օրորա, դու շորորա,
Քեզ սրտով սիրեցի,
Աչքերիս քուն չի գա,
Դու օրորա, դու շորորա։
աղջիկ․
Անուշ տղա, շե՛կ տղա,
Աստվա՛ծ սիրես, թո՛ղ, գնա՝
Մեր սերը մարդ չիմանա,
Չիմանա,
Աշուղի պես խաղ ասա,
Բլբուլի պես տաղ ասա,
Տաղ ասող անուշ տղա,
Ջան, տղա։
տղա․
Հեռվից հեռու, մոտիկ-մոտիկ,
Ինձ կապել ես կարմիր գոտիկ,
Նման ես նռան հատիկ,
Ջան, աղջիկ,
Լուսնակը շող է գցել,
Երեսիդ քող է գցել,
Դու էլ իմ սիրտն ես լցրել,
Ջան, աղջիկ։
երկուսով․
Ամպել ա, ձյուն չի գա,
Մթնել ա, տուն չի գա,
Դու օրորա, դու շորորա,
Քեզ սրտով սիրեցի,
Աչքերիս քուն չի գա,
Դու օրորա, դու շորորա։
![](https://i.ytimg.com/vi/UikWjDkaWfU/maxresdefault.jpg)